مساكم الله جميعا بالخير…
حبيت استشيركم وآخذ من خبرتكم فالحياة
شورايكم في الزواج من شاب أرمل…!
أذا تقدم لج شاب تزوج زواج تقليدي عن طريق الأهل وتوفت زوجته في أول سنة زواج وعنده طفل صغير من زوجته الي توفت
هل تقبلين تتزوجينه وتكونين في حياته رقم 2 بعد تجربته السابقه في الزواج؟
هل ذكرى زوجته راح تكون سبب في تعاستج في يوم من الايام لو بدا يقارن ؟
هل بتضمين طفله تحت جناحج وتربينه مع عيالج؟
أنتظر ردودكم
ومبارك عليكم الشهر مقدما ^^
كان متزوج وكان عنده 3 اولاد توفت الحرمه ، وكان يحب حرمته وااايد
وعقب اتزوج الثانيه والحين الحمد الله مرتاحين في حياتهم وعنده الحين فوق 6 اولاد
والحرمه تحب عياله ..
انا اقووول عادي اقبل ..
لأن عنده يهال و هاليهال بيكونون أمانه عندي..وأنا ووووواااااايد عصبية..نااار نااار أخاف أعصب و أظربهم و هي أمانه فحرام أظلمهم معاي..يعني لو عيالي مب مشكلة بس الامانه صعبة..!!
لأنه يتيم … و الرسول صلى الله عليه وسلم قال (( أنا وكافل اليتيم كهاتين في الجنة , وأشار بالوسطى والسبابة ))
وهو إذاااكااان زين ليش لأ ,,, حتى لو قارن بيني وبين الحرمة اللي قبل … هذا الطبيعي …
لان بعوض طفل عن ام وبربيه مع عيالي وماراح افرق بينهم ابدا
حبيبتي بس لاوم اتشلين من بالج الغيرة من ولده واتكونين امه ثانية وصدقيني بتاخذين اجر وبتكسبين ريلج
وافقي افضل لج
وولده بيكون واحد من عيالي مب هو اخوهم؟
استخيري واتوكلي على الله
والله يسهل امورج يارب