تفــ ولادتي ــاصيل بالشيخ أحمـــــــد .. لسلامتك

وأخيرا بعد ماضغطتـ على عمريـ وفضيتـ

قلتـ بخبركمـ بأكشنـ ولادتيـ الليـ كانتـ بتاريــــــــخ 3-8-2017
……
الرحم :: فاتح وااحد سانتي من 6 أياام + مخاخييط ويادم بس بدون ويع ..

قبل الولاده بيوم ( المسـا )..

:::: كنت أقرقر ويا متيناات تجمعنا بعد ماطفرتهم كثر ما أقول أبا اربيييييييييييييييييي أبا اربيييييييييييي
وماكان فيني شي بس تحفيير وتعصيير كالعااده.. موول ما اتوقعت إني بربي اليوم الثانيــ ..

فلييل وقت الرقاااد زااد علي التحفييير والتعصييير قلت بروح العياده الصبح عن دكتورتي بخليها اجيك علي واتسويلي تخطيط ماكان فيني اصبر لين موعدي تاريــخ 4-8

:::3-8 رحت الصبح عند دكتورتي تاكوور بدون موعد سيده حولتني عالتخطيط وعقبها دخلتني عندها .. وفي التخطيط بان انه فيه ويع بس مش ويع طلق ويع التحفيير ..
وحولتني عالسوناار وقالتلي ماي البيبي نااقص اشوي صح مب نورمل بس زين يعني مب خطر عالبيبي .. وجيكت على راس البيبي قالتلي راسه تحت بس مب فالحووض .. أنا هنيه خففففت خفتتتت مت خووف خصوصا اني اتعقدت بعد ولادتي الاولى اللي كانت بعملية والسبه هالرااس .. قالتلي الويع اللي اييج انتي هذا سبته كل ما يبا الياهل ينزل فالحووض راسه يدق عظم الورج وقالتلي لاتخافين وقت الطلق بينزل راس البيبي إنشاءالله وقالت بيبيج لازم ينولد لانه خلاص مافي داعي يتم اكثر داخل وعشان الماي بعد.. وجيكت عالرحم وقالت فاتح 1ونص ووسعتلي لين 2 سانتي وما استوا انها اتوسع اكثر ..
المهم وعبها نصحتني بالخروع مع اني موول ماكنت مقتنعه فيه قالتلي يربي خاشوقتين منه ويا العصير ..
…………
وانا راده البيت مريت المخبز وخذت كرواسون وصمون وجبن قلت بتريق وعقبها باخذ الخروع ..
رديت البيت واتريقت وشربت الخروع هذا عالساعه 11ونص وريلي توه طالع من البيت قلت برقد عواشي وبنسدح عندها اشوي وبرقد ييت ابا ارقد بطني مشاني بس على فكره مب من الخروع لانه مامداه موول ينزل ويسوي شغله رحت الحمام عزكم الله وطلعت ووايجت من الدريشه فضوول ابا اتطمش على سكاان البيت
الا فجججججججججأة فجججججأة يتني حيسه قويه غرييبه اول مره احس بحيسه جيه مال ثانيتين بس وسيده قطر مااي البيبي علي تم يقطططر ويوقف يقطر ويوقف مب بحر يعني بالتدريييج هالكلام استوا عالساعه 12 الظهر

ومرررررررره وحده ياااني وييييييييييييع مب طبييييييييييعي موول مب طبيعي يتم ماسكنيييي ويفج عني كل 5 دقااايق كل 4 دقااايق كل 5 دقااايق .. جان اصييييييييييييييييييييييييييييح واصااارخ من الخوووف مب من الويع بس كنت خااااااااااايفه صدق حتى بنتي نشت .. جان اتصل على ريلي اقوووله الماي صب علي وفيني ويع جان يقولي اي ماااي !!! الحين شو يعني اقووله ماي الحمام ولا المغسله !!!
المهم قلتله ويييينك قالي في الصناعيه عندي شغل انزين بتتأخر رد علي هيه اشوي هههههههههههههههههههههه اسميه موول مب عالمووجه هذا هههههههههه ..

المهم اتصلت في حرمة حميي وقلتلها .. قالتلي موول ما اتروومين تمسكين نفسج اشوي اذا رحتي المستشفى بيبهدلوونج الحين قلتلها لاااااا صب الماي علي والويع ما اتحمله ورا بعض .. قالتلي خذي شاور ابسرعه ولبسي عبااتج .. سكرت وسرت آاخذلي شاور وانا اصييح في الحمام خاايفه من اللي ياي .. ياله اصيح واقوول انا شلي فهالسوالف .. أنا وييين وهالسوالف ويييييييييين انا شليييي شو خصني هههههههههههههههههههههههه .. من كان اييني الويع كنت اتكرفس واسجد وسرت فتحت الثلاجه وشليت دبة ماي زمزم ويا الزعفران اللي قريت عليه وتميت اشربه
ويا ريلي حليله ما اتأخر 12 ونص وصل وحرمة حميي وياي .. ووصلت المستشفى وسيييده عالطواري وودوني غرفة الطلق ويت اخت ريلي المهم فصخوني ولبسوني مالهم المفصخ من ورا وركبولي التخطييط والويع كان اييني كل 5 دقايق ورا بعض ورابعض مافي مجال اتنفس كنت بموووت من الويع وريلي واقف بعيد يشوفني بس اشوفه يشل عينه من عيني حسيتبه كان خااايف مايبا يشوفني جيه اتعذذذب وعقب سار يلس .. وحرمة حميي كانت تقرا علي قرآاان وحليلها ختمت البقره على بطني .. وعقبها هي واخت ريلي مشووني في المستشفى حنوا علي عشان امشي وعشان النفس تفتح اسررع .. واشتغل مفعوول الخرووع ومرتين عزكم الله عالحماام والويع مايفج عني
وعقبها رديت انسدحت عالشبريه وماما يت من دبي عندي وتمت تقرا علي حليلها ..
وحطولي الاكسجييين اسمييه سطلني ودوخني ويابلي الرقااد خلاني جني ميته وماقدرت افج عنه موول بس من اييني الويع انش من مووتي .. لدرجة اني كنت ابا اعض الاكسجين بس شلوه عني وعضيت ايد حرمة حميي بالغلط كنت جني مينونه بمووت بس ماكنت اصاارخ موول ..كله عالسايلنت
تميييييييت اعااااااني من الساعه 12 ليين بعد اذاان المغررب بعد ما حولوني غرفة الولاده ..

في غرفة الولاده .. بعد أذان المغرب
::: كان فاتح عندي 9 ونص .. اللي اعرفه 8 ويحولون عالولاده .. المهم وانا في الغرفه اتريا يولدووني الدكتوره مب طاايعه اتقول الا يفتح ويااج 10 بالضبط وانا بموووت خلاااص وتمت تجلبني يمين ويسار عشان البيبي يتحرك والرحم يفتح اكثر وضربوني ابرة الورج مرتين مت منها ويا الله على ابرة المغذي ضربوني اياها بالغلط وتموا يحطون ادويه ومضادات فيه وهو اصلا مب داش في العرج صح كان يمووووت والله .. وعقب اكتشفوا انهم امدخلينه بالغلط وضربوني الابره في ايدي الثانيه .. يدخلون الابره ويطلعونها يدخلونها ويطلعونها فوق 3 مرات يدورون العرج وهالكثر ضاربتهم امي وحرمة حميي افففففف هلكوني وانا ماكنت احس بشي غير ويع الطلق .. واخييرا فتح وياي 10 سانتي ويا دوور البووووش وكل ما اييني الويع اسوي بووش من خااطري بس البيبي مب طايع يطلع هللكت وشقوووني شققق بعد نفس الشي البيبي مب طايع يطلع متت والله كانوا مجهزيلي حجرة العمليات بس في آاااخر لحظة الدكتوور يابت جهاز صغيروني كبر المسدس الصراحه اول مره اشوف شي جيه هو وظيفته مثل الشفاط .. وسعت بايدها وااايد وحطت الجهااز داخل عراس الياهل وشفطته وطلع أحمدااني حبيبي عالساعه 9:30 المسا وهو يصيييح انغااااااااااا انغااااااااااا هههههههههههههههههه .. والبوش الثاني ويطلع الجسم وعقبها المشيمه .. هههههههههههه اللي ضحكني اني ماشفت ويهه بس ماله ووشلوه عني .. ويا دور الخيااطه .. شكثرر هلكت كنت احس فيها مع انهم امبنجيني موضعي سوولي 5 غرز ..

………………………

الصرااااااااااااااااحه الدكتووووره تاكوووور صبرت علي وااايد من بعد اذان المغرب لين الساعه 9:30 وانا في غرفة الولاده .. وايديها خفيفه وااايد وااااايد ماتعور .. ووايد ارتاحلها يوم اشووفها ..

……………………….

اذا بتسالوني شو احسن شي في مستشفى NMC ( نيوميدكال سنتر ) العين .. بقوللكم ::: الدكتوره تاكوور + الغرف الكبييره اللي تشرح النفس ..بسسسسسسسسسسسسسس مافيه شي زوود عن هالشيئين موول

وشو اخيس شي هنااك بصراااحه .. النيرسااااااااات زيروووو عالشمال ماشي نظافه بالمره عيني عينك ايديهم دم ويودون التلفون وغيره وعععع .. مايعرفون يغيرون بامبرز البيبي يركضون يخرسون الكلينكس مااي وينظفون البيبي ويردون يسوون نفس الشي والبيبي برداان مايعرفون يلبسوونه افروول قسم بالله اثنين عليه مايعرفون يضربون ابره نفس الناس يدخلون ويظهروون لين مايلقون عرج وايديهم ثجييله ..

والعييب عندهم بعد من ينولد الياهل حتى خلقة ماعندهم يلفونه فيه لازم نحن انييب لبسه والبامبرز وكل شي عفانه لالله عمري ماشفت مستشفى جيه ماعندهم شي .. حتى يوم شلوه حق الختاان شلو البامبرز من عندنا شي غرييب والله !!!!

المهم قمنا بالسلاامه انا وأحمدااني وطلعت من هالمستشفى وياا الشيييخ أحمد أحلى هدية من رب العالمييين الله يحفظه لنا ..

هيه صح اتذكرت شي يضحححححححك هههههههههه
وانا اسوي بوووش امي واقفه على رسي اتصيح وهي اتسوي بوووش من الخاااااااطر انا اسوي بوش وهي مب حاسه اتسوي شرااتي ونزلت عليها الدوره هههههههههههه امي من النوع اللي ماتنزل عليها الدوره بالشهوور هههههههههههههههههههههه .. امي اتقول حق دكتورتي اونه جيكو تحت يمكن فيه ياهل طااح مني ولا شي ههههههههههههههههه هبل والله هههههههههههههههههههههه

::: هيه صح استغربت من عمري كنت اتحرا اني بسوي منااحه وصيااح وبصاارخ بس الحمدلله في المستشفى موول ماصارت الا وقت البوش مرتين بس ..كله تميت ادعي ادعي واذكر ربي .. وكنت اتحرا بيحطولي طلق صناااعي وجيه وايد افكار سلبيه كانت في بالي بس الحمدلله ماصار شي من هاي الاشيااا