كيف الحال بناتات وحريمات؟ ( عساكن إلا بخير وعافية ؟ )
الموضوع بإختصار :
عندنا مكان نفس ملحق أو قسم …
( يتكون من 4 حجر ، 3 حمامات ( عزكم الله )، مطبخ وممر صغير ).
مع ذلك احسه ضيق ومب وسيع !!
3 حجر = BedRoom
حجرة كـ قعدة + مكتب للكمبيوتر + تلفزيون ..
حمامين في الحجر …
والحمام الثالث فيـ الممر ..
مطبخ بين الحجر .. وشيء غرفة صغيرة ف المطبخ (للخدامة ) صغيرة جدا! تكفي حق الشبرية وحق سامانها ..
هذا المكان ( قديم جدا … يباله تعديل … ) لكن الميزانية ضئيلة جدا
فأبا أشياء رخيصة وفي نفس الوقت ماتخترب بسرعه ( لأنه التعديل بيكون مرة ف الحياة الحيوية >> حلوة الحيوية هاه 
)
أولا :
الـ Bedroom يباله :
– صبغ أو أوراق جدران
– أثاث
-ستاير
-زوالي
الحمامات الي في الحجر يبالها:
-تغيير السراميك + تغيير الـمرحاض البانيو والمغسلة
أما الحمام الي ف الممر … هممم :
أباله شيء رخيص وايد … وسمبل جدا جدا جدا … بس عسبت يكون نظيف ..
المطبخ :
– ماعرف يباله تغيير ولالا ..!! ( لأنه الميزانية شويه ) ، اذا تعرفون شيء رخيص خبروني عن مكانه ..
الممر:
– بس زوليه ! وطاولة طعام … يباله تلفزيون ولا ؟
البيت جديم وايد … ومن كمن سنة والميزانية شوية ههه
المطلوب الحين أرقام محلات:
– صبغ أو أوراق جدران
– الزوالي
-الستاير
-الحمامات
-مطابخ
الأثاث = بقولهم ياخذون من هوم سنتر ولا هومز أر أس …
لكن باقي الاشياء يباله ميزانية عوده ، مع ذالك أنا أبا شيء بسيط جدا !
أهم شيء الحمامات ربي يعزكم … ابغي أرخص شيء؟
تسلمين حبيباتي 
أدريبكن ماتقصرن !
المكان : مدينة العين …
يبالنا مهندسة ديكور تساعدنا ع اختيار الافضل والي مقدور عليه
( بس تراني انا مب من العين ) هههه هاكي القسم في العين …
محد رد
والسموحه