تعبت من المحكمه لحياة سعيدة

السلام عليكم اخواتي جميعاً الله يفرج علينا جميعاً كل هم وضيق حبيت افضض واقولكم قصتي مع ريلي في المحكمه انا كنت متزوجه ريال وماحصل بينا نصيب واطلقنا كان راعي حريم وسكر بعدها اتقدملي ريال متزوج وقالي حرمتي مريضه بعيد عنا وعنكم بالسرطان واكبر عني ب10 سنين عشان جدي ابغي اتزوج والله انا اقتنعت بكلامه واتزوجته لكن كان خوفه من حرمته تعرف بموضوع الزواج مسيطر عليه وايد واظطرينا نتزوج بالسر عشان حرمته مريضه وماتعرف بالخبر وتروح فيها لكن كان الزواج رسمي وبالمحكمه وبعلم اهلي وهو وقت تقدملي قالنا انه وحيد لاهله وامه وابوه متوفين ومقطوع من شجرة وبعد 15 يوم من زواجنا قلتله بسير بزور اهلي في الشارجه وهو من ابو ظبي والله تركت ذهبي وكل ملابسي وقلتله برد بعد ثلاثة ايام اتصله مايرد وبعدها رد ريته مارد قالي انا فكرت وايد وماابغيكي زوجه عندي في البيت وماابغي اخسر حرمتي عشانج والله يابنات ارسلي ملابسي مع سائق تكسي والذهب اخذه ومارده لي وحاولت كثير لصلح لكن مافي فايده كان معند على هذا القرار ومع اني ماقصرت بواجبه بعدها انصدمت صدمة عمري قد ماكان يكذب علي ويقلي عمري مابتركج ومن هذا الكلام المهم اكتشفت اني حامل ومن اول يوم من حملي في المحكمه وحتى وقت درى الخبر ضله معند مايردني المهم مضت 9 اشهر حمل وانا تعبانه من الحمل ومن المحاكم لان رفع علي قضية طلاق بأبوظبي عشان انا حامل رفعت عليه قضية طلاق للضرر لانه هاجرني وماينفق علي ولايكلمني ولاشي وان حاولت اتواصل معاه بمسج يسير الشرطه ويقلهم اتصلو فيها وحذروها انها ترسل مسج او تتصل فيني المهم مرت الايام وربيت وكنت اتمنى ريلي يكون بقربي يوم الولادة يواسيني بألمي ويخفف علي لكن خسارة ماصار هذا ابدا واطلقت منه وحلف جدام القاضي انه ماسرق ذهبي وماسجل ولده باسمه والحين استوى عمر ولدي 10 اشهر ولا رضى حتى يشوفه ومرة اخذت ولدي المحكمه عشان يشوفه ويحن قلبه ويردني رفض شوفته تصورو واطلقت منه بعد ولادتي بأربع اشهر وصرلي بالمحكمه سنه وثمانية اشهر والحين قربت اخلص لان طلعلي حقوقي منه وحكم القاضي بتسجيل الولد تصورو يابنات في مثل قسوة القلب هذي اسفه على الاطالة لكن اكتب من حرقة قلبي وعشان ماتوثقون بأي ريال قبل ماتعرفونه زين وتسألون عنه حتى لو كنتي مطلقه من قبل

الله يعينج ان شاء الله دخلي حد من اهلج بالموضوع او اهله صلي قيام الليل وكثري من الاستغفار

السلام عليكم ورحمة الله وبركاته
الله يكون في عونج اختي كان المفروض ما تتزوجينه من يوم عرض عليج الزواج بالسر لأنه أكيد كان ما بعطيج حقوقج الحين ديري بالج على النونو واهتمي به عدل لأنه ولدج يحتاج رعاية واهتمام أكثر من أي شي ثاني

هو تزوجني بالمحكمه لكن دون علم حرمته يعني بس حرمته ماتعرف بزواجنا لكن اهلي كلهم يعرفون لانه زواجي عادي وبالمحكمهوهو وقالنا انه مقطوع من شجرة وماعنده اهل ابوه وامه متوفين وهو وحيد ولا بالمحكمه اكتشفت انه عنده اهل ومتبرين منه ماادري ليش

حسبي الله ونعم الوكيل

انا قريت موضوع شبيه لموضوعج من فتره مادري اذا انتي نفسها او لا

للاسف عزيزتي انتي غلطتي انج وافقتي وما شهرتو زواجكم او ع الاقل كانو اخوانج او حد من اهلج كانو من الشهود

ووين اهلج من الموضوع؟ وشكله جذاب اصلا بموضوع حرمته

عموما الي صار صار وحقج وحق البيبي مابيضيع ان شاءالله وين يتحرا عمره يالس ترا الدوله فيها قانون

حسبي على كل ريال على شاكلته

وباذن الله حقج بتاخذينه وزياده

الله ينصرج و ياخذ لج حقج منه يارب
و الله اختي حاسه فيج مريت بهالحاله
زوجي خبى عني قصص عن ماضيه و عرفتها من الناس والله تفشل و استحي اخبرها عالنت حتى
الله كبير و الله يوقف معاج