بنات..
ما عرف من وين أبدأ…
أكيد الصبر له حدود صح…؟
أكيد كل وحدة فينا اتحس ان ودها تنتحر و ترتاح من العيشة… ♡
وانا طفح الكيل عندي خلاآص مب قادرة اتحمل العيشة مع هالانسان…
ريلي : عصبي.. قليل ف كلام الحب… فقير…. عديم الاحترام
ابي ألبس شرات الحريم ابي ألبس عيالي احلا الملابس ابي أفصل كل شهرين أو ثلاث لبس شرات الحريم… فقير… ما عنده.. عنده ديون… ما أقدر اتحمل تعبت الشهر ما عطاني مصروف و يقولي اتحملي الحرمة لازم اتقدر و تصبر… للعلم معاشه 17 و 10 يروح للبنك يبقى 7… لللبشاكرة. لأمه.. للمأجلة لأن بيت عمتي ما يفضى عزايم… المخالفات و البنزين…
وأنا مجاورة اتحمل بصفتي زوجة.. 😢
صار لي 3 شهور او أكثر مب طالعه محبوسه فهالبيت كرهت نفسي…. ( ابي افضفض تعبتتتتتتتتت )
ابي مصروف ع الاقل ايمع اشترلي ذهب اجوف خواته رايحيين راديين سوق الذهب… الله يهنيهم.. بس يكون ف خاطري
و لو قريتو موضوعي السابق عن ضربه… ترا للحين يضرب و دخلنا الاهل و ماشي فائدة.. و آخر مرة ضربني هددته بكلم ابوك خاف… قال يا ويلج لو خبرتي…
انا قبل كنت اكشخله قبل ليردد البيت بس اللحينة والله بكشتي أصبح و امسي فيه…
يقولي ليش ما تسويلي عصير من أرد من الدوام او ادلكيني.. ليش ما تنشين تتريقين وياي… رديت عليه جدام أمه لانك ما تستاهل….
و امس بعد قآل نشي حطيلي ريوق.. قلت مب خاطري اسوي لك شي مليت. قمت وانا اجابله أتأفف …. اقوله بروح بيت اهلي… هو حاس اني طفرت منه
اسمحولي طولت… بس شاوروا علي أتم معاه و لا أتحمل؟
و اهلي آخستين إذا اطلقت بيقعدون رادار علي
يعني شو تطلقي لاسمح الله ..أختي بسالك دليني على زوجة تعيش حياة زوجية 5 نجوم كل وحد فينا عندها معاناة الله يفرج عليك وعلينا ..
الكمال لله أختي شوفي مواضيع بقية الأخوات وخيانات الازواج قهر مابعده قهر الله يصبرهم
أما عن موضوع الضرب حاولي لاتستفذيه وهو معصب سوي واجبك اتجاهه كما امرنا الله وخديه بحلمك بادري انت بالكلمات الحلوة واعتني بشكلك ..عالجي الأمور بالهدوء ومصيره يتغير .
الله كريم يرزقكم وتشتري ذهب وتكشخي
الله يصلح حالكم
يعني فوق شينه قوات عينه ،، الله يعينج
انتي تقولين يبقى 7000 انزين شو يعني لو عطاج 1000
ولو الوضع صعب صعب اصرفي منها لج ولعيالج ،،
قعدي معاه وقوليله ان مصروفج الشهري من حقوقج عليه كونج ربة بيت
وما عندج دخل الا من جيبه ،،
حسبي الله ونعم الوكيل بس ف بعض الرياييل
ولو ضربج لا تترددين بانج تخبرين ابوه شكله يخاف منه ،،
يعني لين متى بتمين تتحملين ضربه وبخله عليج ،،
انا ماقولج تطلقي لا بس انتي لا تسكتين له وخذي حقج بايدج
الله يفرج عليكم يارب ويرزقكم من اوسع ابوابه ،،
لا تنسين الاستغفار عزيزتي 
يعني عنده ديون والتزامات ما يروم الريال دوم يطلعج ويونسج
معقوله يعني هو مب زين لدرجه انح تتطلقين منه بس لانه راتبه ما يسدكم ؟
وترا هو عصبي من وضعه عنده حرمه وعنده عيال وعنده التزامات وبيت عمج كله ع راسه
كم بيتحمل يعني ؟.
اكيد بيعصب عليج
بالتوفيق
الصحة
الزوج
العيال
ماشاء الله،، الله يبارك
بس عيبج تقارنين نفسج مع غيرج.. وانا متأكدة وقت تقارنين.. تقارنين باللي ناقصنج وبس.. بس اللي انتي قارنتي نفسج بها باقي الامور كيف عندها؟؟!!!! ترى الكمال لله، ومب كل الحريم يتشكن!!
احمدي ربج على النعم واصبري على ريلج وعامليه بالطيب تكسبينه
أمهات المؤمنين زوجات الرسول (عليه الصلاة والسلام) سيدات اهل الجنة عاشوا الفقر في اليوم ماشي غير تمرة وماينطبخ في بيتهم الا كل شهر ونص!!!
شوفي اللي تشردن في سوريا وانتهكت اعراضهن بعد في سوريا والعراق لاهم لاقين سكن يأويهم ولا أكل نظيف يشبعهن وكثير منهن بعد اهلهن تبروا منهن بالرغم غصب عنهن وانرموا في الشارع و للرذيلة
اشكري الله عشان تدوم نعمه عليج ولا تكفرين العشير