تعبانه نفسياً من الدوره. ما تبا اتيني.. لصحة الجسم

مرحبا خواتي.. من ربيت ما قمت ادش وايد المدونة.. لعيال يلهون الوحده..

صارلي 6 شهور ونص من ربيت..

والدوره يتني مرتين..وهاي المره الثالثه.. والمفروض اتيني من اسبوع..

انا صارلي قاطعه الرضاعه عن بنتي من كملت السادس.. يعني من 14 يوم تقريبا.. بس ارضعها احيان شوي واكمل الرضعه بالصناعي.. والحين من يومين مول ما رضعت مني.. كله صناعي

احس بآلام الدوره واحسها تبا تنزل.. بس ما نزلت للحين.. وسويت فحص حمل من 3 ايام ولا ظهر شي.. سالب..

هب عارفه شو اسوي..

عادي لاتحاتين مال الرضاعة يصير جي وانتي للحين مافطمتيها شهر او شهرين الا يومين

جسمج يباله وقت لين يرجع مثل اول خاصه بعد الرضاعه

أختي اشربي ملعقة زيت زيتون الصبح قبل الريوق وقبل الرقاد وانسي الموضوع ترى أحياناً يكون حالة نفسية

يزاكن الله خير..

رجعت اسوي فحص بول عزكن الله وطلع سالب.. والحين من ٩ ايام الدوره متأخره..

ف بنتي البكر ما جذا استوالي

عادي لخبطة هرمونات وكل ولادة تختلف عن غيرها

انا نفس الشي الحين من اسبوع مطوفه موعدها سويت تحليل ماشي حمل اتوقع والله اعلم هرمون الحليب مرتفع