تعاملج مع هالصنف البشري !! المومة و الطفل

بنات حبيت اخذ رايكم
اذا عندج شخص من القرايب تعزينه واايد وايد و هو طيب لج ، بس الله ابتلاج انه زوجته تحقد عليج و تكرهج و تترصد لج بانتظار اي زلة او خطأ غير مقصود و مب بس جي لا ، زرعت الحقد في قلب عيالها فصاروا حتى هم ما يحبونج ولا ودهم يشوفونج و اذا وجبتيهم قالوا مأذيتنا و اذا خليتهم في حالهم قالوا ما تسأل عنا !!!!!!

شو التصرف الصحيح في نظركم
تزورين هالشخص في بيته و لا تحاولين تزورينه خارج بيته مثلا تعزمينه في بيتج او في مطعم او ما شابه !؟

اللي تقول اكسبيها اقول لها الماي المالح مهما تصبين فيه ماي عذب ما يتغير !! يبقى البحر مالح كذلك بعض البشر مهما كنت ودودا معاهم يحقدون عليك و ربي المستعان على ما يصفون !

تعزميه عندك عالبيت احسن حل
ما تخلي مرتو تخرب علاقتكم الحلوه

الله يكون في عونج
صدقج الماي مالح لو زدتيه ماي عذب مايتغير

في بيتج الغاليه ابرك او فالمطعم تفادي لأي مشاكل مع الغير

بس انتبهي اذا كان مب اخوج بس بحسبة اخوج وحبيتي تروحين مطعم بتقول تواعدينه بالدس!!

الافضل فبيتكم

ههههه
انتي مخج راح بعيد

عادي ما اشوف فيها شي
دام من محارمج و مشتاقة لليلسة وياه
اطلعي اعزميه ع مطعم مكان مب لازم يدام عيني حرمته

تصدقين صارت سالفة لزوجة يى لها انهيار عصبي و طاحت علينا
يوم عرفت ان زوجها طالع مع بنات اخوه لمطعم << لو ربيعته ما ادري شو بتسوي بتموت
اونه ايش مستانس وياهم و يضحك و يسولف و وياي ما يكون جي ؟ ليش ما عزموني
حبيبتي لانج نكدية ما تعرفين السبب هههههههههههههههه الحرمة النكدية اللي قلبها اسود محد يحبها
غصب يعني يمكن موضوع وايد خاص و برايفت

المشكلة بعد بيتكلمون و بيسوون مشاكل و بيقولون ما تبينا مش حبا ، بس ع الاقل ترتاحين من شوفتهم
الله المستعااان