1**فرشاه نفس فرشاه الميك اب او قطن الاذن بس انا جربت الاثنين والفرشاه طلعت اسهل:
2**صبغه بني غامج انا خذيت(هيرباتنت من الصيدليه سعرها 49درهم هذي ميزتها بدون امونيا)طبعا البني ماراح يبين بني راح تشوفونه اسود بس اذا خينا اسود راح يبين حواجبنا تخرع هههه
3**مشقر حواجب انا قبل كنت استخدم جولين بس كان يبين اصفر شوي احينه غيرته خذيت (coloray)من نزيه ب6دراهم+اوكسجين 10%من نزيه كله 10درهم (نصيحه اختي برنجلز)
4**مشط حواجب+مقص+فازلين
جاهزين:::1 (68): :1 (68):
هنيه شكل الحاجب قبل التشقير
[IMG]
[/IMG]
اولا:
امزجي الصبغه البنيه بالتساوي نوعين بالعلبه
وبصحن ثاني جهزي المشقر الاكسجين يكون ضعف البودره
ثانيا:
حطي شويه فازلين على الحواجب طبقه رقيقه فقط لاتكثرين عسب تنصبغ الحواجب
هالمرحله تعتمد على نوع حواجبج(يعني اذا كثيفه )امشطي شعر حواجبج لفوق وفقط الشعر الي مبين فوق قصي هالطرقه تحفف فقط من كثافه الشعر مو نمص (هالطريقه حسب رغبتج مو شي اساسي)
ثالثا:
جهزي حواجبك,, وذلك بتمشيطها بفرشاة الحواجب جيدا,, ومن ثم إرسميها بقلم تحديد الحواجب بالطريقة اللي تفضلينها,, مع ملاحظة تناسق بداية الحاجب ونهايته مع رسمة العين بهالطريقة:
[IMG]
[/IMG]
طبعا مع الممارسه ماراح تحتاجين لطريقه رسم الحاجب :22 (23):
قد يبدو لك إن الحاجب عريض وشكله مو مرتب,, لكن النتيجة النهائية بتوضح لك إن تحديد الحاجب هو ربع الشغل,
بعدما رسمتي حواجبك, استخدمي الفرشاة الدقيقة لملء الفراغات بين شعر الحاجب بالصبغة
[IMG]
[/IMG]
المشقر:
توزيع المشقر يكون اما بقطن الاذن او الفرشاه
إبدأي ببداية الحاجب(فوق الزاوية الداخلية للعين) وحافظي على الزوايا حادة,, لأن الحاجب اللي بدايته مستديرة يكون أقل ترتيب-من وجهة نظري-:
[IMG]
[/IMG]
طبعا المشقر يكون مابين 10_20دقيقه اما الصبغه 30دقيقه
يعني المشقر راح نشيله بعد 20د بقطن الاذن ونتبه عالصبغه نخليها 30د وبعدها نغسل الحواجب زييييييين بالماي ونحط كلينكس مبلل بماء بااااارد عسب ماتظهر لنا حبوب او احمرار وهااااااه تبون النتيجه النهائيه؟؟؟!!
[IMG]
[/IMG]
طبعا لازم نسوي (قبل..وبعد) عشان يوضح الفرق
[IMG]
[/IMG]
بكل امااااااانه الصور نقلتها عسب اوضح لكم اما الطريقه خاااااااااااصه فيني
انتظر اراااااااءكم وانشاء بعد هالموضوع لي يتثبت خخخخخ:1 (68): :22 (14):
المشاركة الأصلية كتبت بواسطة ام هنوده 
الله يعافيج
مشكووووووووووره على هالجهد الطيب
وربي يوفقج