عزيزاتي…
بكلمكم عن نفسي..
بكل صراحه..
انا ما اهتميت بعمري.. حتى عقب ما سويت عملية تجميل للبطن.. ما صدقت وكلت الاخضر واليابس..
بس الحمدالله ما ظهرت لي كرشه..
فجأه حسيت بتعب بعد الاكل.. وتذكرت انها نفس اعراض السكري اللي ياني في الحمل.. والسكري عندنا وراثه.. والحمدالله..
لما رحت المستشفى وفحصت.. 
طلعت النتيجه.. عندي سكري وفي بدايته.. والحين اسوي دايت بعد فوات الاوان
نصيحه خواتي…
العمر بيخلص والاكل ما راح يخلص.. لازم كلنا نشجع بعض ونسوي دايت حتى لو كان تخفيف والابتعاد عن الدهون والنشويات
انا بصراحه وايد تعبت نفسيا.. وفي اسبوع الحمدالله قدرت انزل من وزني 4 كيلو.. بتخفيف ومشي نص ساعه يوميا
مضايقه حيل والله.. بس ما اقول الا الحمدالله على كل حال
انا زعلانه ومستانسه في نفس الوقت.. زعلانه لان المرض صابني.. ومستانسه لان جسمي صار احلى عن قبل..
اكتب لكم وانا مخنوقه..
الله يصبرني ان شاء الله..
ادعوا لي بنات.. والله محتاجه لدعواتكم..
اختكم
ام حمدان
ويشافيج ويعافيج يا رب
السكري مب نهاية العالم حبيبتي ،، بس تعرفين انه وراثة لازم تهتمين بعيالج وأكلهم طبعاً
الشي الثاني ، ، ممارسة المشي يومياً نص ساعة هي وقاية وفي حالتج ان شا الله يكون الشفاء من السكري
والله يشافيج يارب ويحمي عيالج آمين
ام فارس
والصحه غالية وما شي اغلى منها
ما عليه لازم نضحي شوي عشان الصحه والرشاقة
اهتمي بنفسج أكثر واهتمي بلاكل لا تحرمي نفسج لكن اكلي من كل شي كمية معقوله
وان شاء الله تتحس حالتج وتثبتين على نظام حلو ومريح
لا تتضايقين بالعكس انتي يمكن تعلمتي من هالشي
الله يوفقج حبوبه ويبعد عنج وعن كل امه محمد الشر و التعب و المرض
اللهم آمين
لا حول ولا قوه الا بالله ما عليه الغاليه مدام في اوله يقولون المشي له واااااااايد زين ما يخليه يزيد ويكون
طبيعي وخلاص خلي المشي اساس في حياتج مثل اكلج وشربج مدام في اوله هيه صدقج والله يبالي انا بعد لان
عدنا سكري وراثه فانا من كمن يوم مسويه دايت واسير نادي ما وحالي عاد 4 ايام بس تميت في النادي
ويتني الدوره فاليوم 3 يوم لي في دوره باجر ان الله راد برد النادي وبلعب وان شاء الله انخف يا رب وخلاص
شي اسمه حلاوه ما بغيه لان اصلا انا مب لين هناك ويا الحلاوه بس تيني هفه عليه خخخخخخخخخخخ
ما عليج حبيبتي رب ضرت نافعه ولا تحاتين ولا تفكرين لان المحتاه وتفكير ترفع السكر خلي امورج عاديه
انا عندي وحده من اهلي من يوم صغيره فيها سكر ما شاء الله عليه ةالله لو جوفينها تقولين مستحيل فيها
سكر لان وااااااااااايد مرحه ولا تحاتي ولا شي وتضرب ابر والحمدالله صحتها تبارك الرحمن احسن من
صحتنا نحنا فحاولي تنسين انج مصابه بالسكر وان شاء الله بيخوز وانا وياج من اليوم معني باديه شراتج
من اسبوع بس بعد اشجع نفسي اكثر واشجع البنات
ويشافيج ويعافيج يا رب