تعالو شوفو ابويي كيف املعوز الريال اللي خاطبني ….. عالم الامومة

مرحبااا,,, جيف الحال؟؟

انا عمري 23 سنه,,, والين الحينه ما عرست,, قبل فترة يا واحد يخطبني وابوييه رده و اسباب الرقض كانت مقنعه وايد وانا ما اعترضت ولا قلت شي..

الحين تقريبا من اسبوع اتقدملي واحد والكل يمدحه وما فيه اي عيب بس ابويي املعوز الريال وااايد… ايكلمه بجفا,,, اذا اتصلبه ايقوله انا مشغول اتصلبي عقب,,, وغيره وغيره وغيره,,

والريال متحمل والين الحنيه ما قال شي,,, وانا اخاف ابوييه ايطفش الريال بتصرفاته,,,

انا متاكدة ان الريال شارني,,, ويباني,,, بس كل انسان له عزة نفس وكرامة,, حتى لو كان يباني مافي شي يجبره ان يتحمل مذلة ابويي,,

والله يا بنات اني في هم,, لا ليلي ليل ولا نهاري نهار,, افكر وااايد,, الفرصة ما تي الا مرة وحدة,, وهذا ريال زين وما يتفوت بس مادري ليش ابوييه ايسوي جذه,,, والله بموووت من الهم والضيج اللي فيني لاني ما اقدر اسير ارمس ابوييه واقوله اياه,,,

امي اتقولي ابوج موافق بس ما يبا ايرد على الريال ابسرعه,,, اونه يبا اينقعه اشوي وعقب بيرد عليه,, وانا واايد احاتي,, اخاف امي اتقص عليي ويتفركش الموضوغ والسبة ابويي,,,

هم مب حاسين فيني,,, يتحسبوني بعدي صغيرة وانا الحمدلله درست وخلصت الجامعه والحين اشتغل ومب ناقصني الا الزواج,,

عذر ابوييه الحين اونه يبا يتاكد هالريال اصل ولا مب اصل,, واتاكد خلاص بس ما دري ليش امعرقل الموضوع,,

بنات بليييز دعواتكم ان الله ايسخر قلب ابويي وايوفق على الريال وايسر لنا كل امورنا,,
انا صدق محتاجة الدعاء لان لا ليلي ليل ولا نهاري نهار..

لا تبخلون عليي بليييز,,, والله محتاجتنكم

ربي يسرج الريآل ويلين قلب ابوج عليييكم ^_^ ويتمم لج امرج ع خييير انشآءالله
ونبشرينآ بعد
خخخ

الله يسمع منج ان شا الله..

الله يسر امورج ويوفقج ياااارب

الله ييسر امرج ياااارب وتفرحين عن جريب

الله يسر لج موضوعج واتبشرينا بالزواج

الله يسر لج موضوعج واتبشرينا بالزواج