الله يسلمكم أمس كان عندي اجازة من الدوم .gif "12 (79)")
فطبعاً كالعادة قمت من وقت حوالي الساعة 8 صباحاً لاني ما أحب النوم الوايد حتى لو كنت في إجازة وقلت خليني أدلع نفس شوي بريوق غير. وهو عبارة عن توست وعليه جبن شيدر ذايبة والبيض المخفوق الي أموت عليه وما أمل حتى لو كلته كل يوم بالإضافة على الجبن الفيتا الأبيض والزيتون الأخضر: وحبيت أشاركم هذه اللحظة بإسم الله نبدأ:
في البداية عندي حوالي ½ كوب جبن شيدر مبشور .
وعندي شريحة واحدة من التوست الأبيض ويفضل يكون طازج , قصيتها نصين وبعدين رشيت عليها الجبن المبشور وحيطتها في صينية فرن منخفظة الحواف ودخلتها الفرن على الشواية بس لحد ما تذوب الجبن.
وهني سويت اربع بيضات لاني الريوق حق شخصين أنا والوالدة ربي يحفظها . حطيتهم في طاسة ورشيت عليهم ملح .
وفي تاوة تيفال حطيت 1 ملعقة صغيرة زيت نباتي + 25 جرام زبدة غير مملحة وخليتهم يسخنون مع بعض.
وبعدين كنت خافقة البيض وصبيته في التاوة مثل ما نلاحظ أحبتي .
واهني بدأت الأطراف تجمد شوي
ناخذ ملعقة خشب ونبدأ نقلب , بس مجرد ناخذ الأطراف الي جمدت ونحطها في النص . ونحاول ما نقلب وايد عسب نحافظ على قوام البيض .
واهني بعد ما انتهينا من عمل البيض خذ حوالي 4 دقايق على نار متوسطة . وعزيزاتي ما نخلية وايد أول ما يجمد نبعده عن النار . لكن فية ناس مثل أختي اتحب تخليه يحمر بعد هذي المرحلة . وهذا راجع لذوقكم الشخصي والي تحبونة.
هذا صحن الريوق صار جاهز ومكون من (2 مثلث توست بجبن شيدر الذايبة – بيض مخفوق بالزبدة – قطعتين جبن فيتا – قطع زيتون أخضر).وما ننسى النسكافية بالحليب الطازج وشاي ليبتون بالنعناع الطازج.
ماشي أروع من الجبن الفيتا الأبيض ويا الزيتون مع البيض المخفوق (نصيحة جربوه).
صور مقربة للبيض المخفوق الهش .انا كلت الصحن وخاطري فيه مرة ثانية الله يعينكم انتو الي تطالعون الصور من بعيد.(أحمسكم عسب تجربونة لانه يستحق التجربة).
وللتعذيب شكل التوست الأبيض وجبن الشيدر الي ذاب.
أنا لو أكل التوست بجبن شيد المبشور طول العمل ما بشبع منه . تفظلوا وياي حياكم الله .
لا تنسون تتابعون ملفي الثاني في طرق التزين بالشوكلاتة
https://forum.uaewomen.net/showthread.php?t=811647
مع محبتي
شيف شوكولاتة
الله يساامحج
لووول مشكورة وبالتوفيق
ما شــــــــــــــــــــــــاء الله
بس انا ما احب الجبن خير شر>>
بس انا نادرا مااتريق