من يومين سرت المعرض اللي في خيمة الخبيصي .gif "13 (47)")
.. مادري يسمونه معرض رمضان ولا شو .. المهم سرت ولفييييت ولفيييييييييت وشريت اغراض غريبه منه !! طبعا اسعارهم احسها خيالية!! بس اكيد ماطوف بدون المكاسرة !!!
وحصلت عندهم المقص ولا المحف الايراني .. عنبوه يبيعونه ب 50 !! ليييييييييييييش!!! ماشريته طبعا!! … بس مادري بكم يبيعونه التاجرات هني …
الموهييييم مابطول عليكم … بس ها! لاتسألوني عن الاسعار والله ماذكر اكثرهن!! الوالدة الله يطول عمرها اتكاسر وانا ادفع!!.gif "12 (26)")
وهاذي اغراضي …. .gif "13 (27)")
كريم العروسة .. اظني شفت البنات يرمسون عنه هني؟! مادري شريته وبجرب .. لعل وعسى يشل السواد والبلاوي!! انتوا شو تجاربكم وياه؟
دخوووون .. مادري وش اسمه لكن يجبني ريحته !! لا وصج بعد يبيعون دخون اسمه " بخور فزاع" وااااااااع على ريحته حرام فيه الاسم !!
لصاقات فيتامين سي للبشرة .. احب البرتقاااااااااااال ورييييحته .gif "13 (42)")
صااابونه الغار … شو فوايدها ؟!!
صابونه البابايا 4 في 1 .. بعد توني شايفتنها فالمدونة وماذكر ليش يستخدمونها .. هاذي اذكر سعرها .. مرة 15 ومرة 25 ومرة 30 !! خذيتها ب 15 … موب جنها غالية؟!
وهاذا منتج عجيييييييييييييييب .. قال شو؟ يحف الويه !! ماصدقت!! الا والريال يبى يقنعني باي شكل وقام حف ويهه جدامنا يييييععع انزين بس فعلا يشل الشعر!! الموهيييم يوم سرت البيت جربته على ويهي ماشل شي!! يمكن لان توني حافة!! بجرب بعد اسبوع ….gif "12 (61)")
وهذا بعد .. ماودي اصييييح بس جنهم ظحكوا علي فيه 
قال يشل الشعر بدون ألم !! تفركين فيه الجسم ويطلع الشعر!!! جربت ماشي!! بس بقول يمكن شعري ماطلع بعده !!! سعره الاصلي 90 وخذيته ب 50 … آآآآآخ من الشعر وبلاويه .. ظروري ننظف يعني
حد جربه؟؟ وبكم خذيتوه؟؟ وفهلا يشل الشعر ولا لا؟؟؟؟
وعندهم مكياج office .. هذا بعد مادري عنه .. بس البنات يرمسون وايد عنه .. اسير اشتري منه ولا لا؟؟؟
بسسسسس!! هاذي مشترياتي .gif "13 (51)")
اتريا مشاركاتكن … وخبراااتكن .. وتعليقاااتكن … ومشتريااتكن …
عيبني لصاقات الفيتامين
تتهنين فيهم يارب =)
بس اخر واحد اول مره اشوفه…!!!
كله مال الشعر === > اسولف
وين هاالخيمة حبيبتي ؟؟
ليكون اللي فعيمان ؟
صابوونة الغاار عجييبة اتوحد لون الجسم ومع الاستمرار وعن تجربة
صابونة البابايا اللي شارتنها اصلية واتبيض والبنات هابين عليها
بس وين هالخيمة حبيبتي ؟؟
واايد حلوه مشتريااتج عليج بالعافيه
الله يوفقج… تتهنين بأغراضج الغلا