عساكم الا بصحه وعافيه يارب
اليوم عاد انا متفيجه توي مسلمه الريبروت مالي وقلت خلني اخبركم سالفتي في الويكند
يوم السبت الي طاف…… رحت انا واختي وربيعتي للسبا الي ف فندق فيرمونت الي في شارع الشيخ زايد, هو فندق وسبا خمس نجوم ومتصمم على أعلا الموستويات والله الصراحه قممممممممه في الروعه والتصميم….. نحن رحنا عشان نسوي فيشل لويهنا بالروز والورد الطبيعي ووياه تدليك للراس
.gif "12 (36)")
والايد والله لو اقولكم عن هالتجربه مابتتخيلون الراحه الي مرينا بها بعد ماخلصنا الفيشل….. أتصدقون كان لي فترة طوويله والله ماحسيت بهالراحه والله شوي وأدمع من الراحه الي حسيت بها….. تعالوا عاد بخبركم شو صار وبعدين بخبركم عن الاسعار الي ماصدقناهااااااااا.gif "12 (99)")
طبعا أول شي لازم تحجزين قبل الموعد على الاقل بيوم..ولازم توصلين قبل الموعد بنص ساعه يوم توصلين روحي الطابق التاسع في صالون خبريهم ان عندج موعد في السبا وهم بيتصرفون… بتيج وحده وبتوديج للسبا طبعا هو مكان منعزل وله بوابه تفصله عى الفندق واحلا شي ان مافي اي حد يدخله الا البنات المصرح لهم يعني حتى لو انتي طلعتي وبغيتي تدخلين لازم وحده من الي يشتغلن يدخلنج غير جي ماشي دخله…. المهم بعدين بتوديج في جولة في السبا وبتقولج العروض المتوفره… نحن كنا طالبين فيشل بالروز والورد الطبيعي واي معاه تدليك للراس والكتف والايدين وبعد نقدر نستخدم الجاكوزي والساونا ببلاش على الفيشل…… وبعدين بتراويج وين اللوكر مالج تقدرين تفصخين ملابسج وبتعطيج روب تلبسينه بدالا الملابس والعباه وعزج الله نعال بلاستك تلبسينه بدال نعالج, وبعدين اذا كنتي حاطه ميكب بتراويج حجره تقدرين تمسحين مكياجج فيها قبل لاتروحين للفيشل وبعد بعد ماتخلصين تقدرين تردين على نفس الحجره وتعدلين الميكب او شعرج هم موفرين كل شي حتى الاستشوار..وبعد بتراويج حجره الانتظار تقدرين تترين فيها اذا ماكنتي بتسوين شي قبل الفيشل وتستمتعين بالمنظر الموجوده.gif "12 (59)")
<<<< تنبيه ترا المنظر مطل على حمام سباحه مخطلط.gif "12 (25)")
فدخيلج لاتوهقين عمرج وتفصخين الشيله والعباه وتيلسيلنا وبعدين تتفاجئين بواحد جدامج.gif "12 (89)")
خبري الموظفات ان ينزلولج الستاير عشان تاخذين راحتج.. في هالحجره في مشروبات وانواع جاي متنوعه تقدرين تاخذين الي تبينه منهم قبل او بعد الفيشل على راحتج.. وبعدين يوم بي موعدج بيدخلونج حجره مافيها الا انتي والفلبنيه الي بتسويلج وحاطيلج هذيج الاغاني الهاديه وتيلس تشممج روايح عطور بارده عطور والله عذاااااااااب تحسين من معاملتهم انج ملكه والله….. عاد قولولي بعد كل هالدلع الي بيدلعونج اياه كم تتوقعون بيكون الثمن؟؟؟؟؟؟؟؟؟؟؟
اتخيلوا دفعنا بس على كل وحده فينا تقريبا 350 درهم بسسسسسسسسسسسس
صراحه يابلاش… والله بعد الراحه الي حسينا فيها من بعد التدليك ماقدرنا سيده ردينا البيت ورقدنا وأهم شي ان البشره ماشاء الله طلعت تصولق وحتى بنات الكلاس لحظوا على التغير من اول مره ماشاء الله فقلت والله لازم أخبر بنات منتداي العزيز عنه……. بس عاد ماقدرت أخذ وايد صور بس اول صوره الممر والصوره الثانيه غرفة الانتظار والثالثه الميكب… وانشاء الله يكون موضوعي حلو وبتريا ردودكم اذا عيبكم الموضوع عشان اكملكم مواضيع عن أماكن ثانيه وأدعولي عاد وأي سؤال انا حاضره
( ملاحظه ترا في وايد أشياء مب بس الفيشل وبعد تقدريت تسألينهم عن كريمات تحتاجها بشرتج وبيعطونج أيها وبينصحونج اذا تبين أي نصيحه لجمال بشرتج وترا الكل متدربات يعني مب هالفلبينيه في الصالونات العاديه وبعد السبا في فرع له للريايل بس طبعا بعيد عن الحريم يعني الي تفكر تروح ويا بوالشباب تقدر][/COLOR]
شو بعد عندهم من خدمات ؟
مشكوووووووووووره الغاليه من فتره طويله خاطري اسوي مفاجأه لربيعتي بأني اوديها سباااا و كنت محتاره وين .. تسلمين الغلا و ان شاء الله بنجربه ^_^
والله يوفقج يارب
الغاليه عندهم كل شي تبينه من واكس للجسم كامل ومساج للجسم كامل وفي تدليك للجسم بعد الرياضيه هذا الي يسون رياضه ويحسون جسمهم مشدود يسولهم مساج خاص ويستخدمون منتجات من البحر لتنظيف الخلايا… تقدرين تتصلين عليهم وهم بيخبرونج بكل شي او سيري زوريهم وتأكدي بنفسج….. اذا تبين الرقم طرشيلي ع الخاص وفالج طيب
الله يسلمج وصدقيني بتكون أحلا هديه ومفاجأه لها