دخل في الموضوع على طول
طبعاً أنا صايرة مشاكل بيني و بين زوجي
فقلت خليني استشير اخوي الكبير الله يخليه طبعاً هو متزوج من زمااااااان الله يوفقه
قلتله ايش تبغوا مننا؟؟ يعني زوجي ما يفهمني
رد و قال شوفي لو ايش ماصار ماراح نفهمكم <<خخخخخخخخ
أولاً :لمن يدخل زوجك البيت استقبليه لو عند الباب اهم شيئ يحس انو فيه احد يستناه بالذات بعد الدوام الزفت
يقولي مره واحد من اصحابه رجع البيت لقي حرمته جالسه تتقهوى و تقوله تعال يا فلان للقهوة
قلتله طيب عادي
قال كيف عادي والله كأنها رجال
المفروض تقوم و تستقبله
___________________________________________
ثانياً : قالي الله يخليك لمن يتكلم اسكتي و لاتقولي رأيك الا لمن يخلص و إذا طلب رأيك قوليه
لأنه مهو محتاجه هو يعرف اكثر منك و شاف و احتك بناس اكثر منك
و لااااااااااااااااا تقاطعينه في الكلام
_____________________________________
ثالثاً : إذا بكت بنتك شيليها و اخرجي من المكان اللي هو فيه الين ما تسكت او تنام
كفاية تعب الدوام و العملاء و قرف المسوولين
قالي فيه واحد متزوج ثنتين و كان بيطلق وحده
راح لوحده منهم شافها لمن يبكي ولدها تشيله و تخرج من عنده الين ما يسكت
أما الثانية فلا اذا بكى ولدها عادي جالسه ولا كأنه شيئ فطلقها
قالي يا باور عامليه كأنه ملك في البيت ولو تنزلي راسك له نزليه
هو اللي يتعب و يشقى علشانك و في النهاية ما يلاقي راحته عندك
____________________________________
رأبعاً: قالي شوفي ترانا ما نطالع في نانسي و هيفاء علشان تعريهم لا والله علشان نحس انهم إناث تدلعيله علشان يحس برجولته
و تصلحيله باللبس و الشكل
و الصوت لا ترفعيه
تراه حر لو يستقبل مين ما كان
____________________________________________
خامساً : استاذنيه قبل ما تخرجي لأي مكان و قبل ما تستقبلي أي أحد
_______________________________
بصراحة أخويه هذا أول ما تزوجنا جاني في البيت و قالي احنا بعد ما نتزوج بكم شهر نكتشف اننا تزوجنا ولد عمنا
و ما فهمت إلا دحين قصدوه إننا نفقد أنوثتنا و هي اللي تحسس الرجال بذكورته و رجولته
حسيت كلامه أفادني بكثير علشان كذا حبيت أكتبه لكم
علشان تستفيدوا يا حلوات
منقووووووووووووووول
مروركم اسعدني
موفقات ان شا الله ^^
الله يهديهم .. بس