تعالن حبيباتي شوفن لي حل قبل لا انجلط لتربية الطفل

مساء الورد جميلاتي
شخباركن عساكن طيبات ان شاءالله

كالعاده … افضفض وابي حل
ادري شيبت راسكن من السوالف بس احب ارائكن

المشكله عن ام ريلي
سبق وكتبت عنها انها تيلس توصف بنات جدام ريلي
بيضا وطويلة وضعيفه وحلوة ودبه و ميته ومشنوقه
والله والغم توصف المترديه والنطيحه استغفر الله بس
جدام ريلي تقهرني
تقول كلمات تخلي الرياييل يتشوقون
يعني جسمها ماشالله حلو وتوصف اشيا عافانا الله
ومصطلحات غير شكل
جمالها عجيب غير غير ومدري شو
عاد انا المح لها انه حرام واحاول اغير السالفه وكلش ماشي اوادم
مثلا تيلس تتوصف احاول اخليها تتلهى اقولها عموه
طالعي شوفي كيف اليوم سوريا حرب يالله مساكين
ترد ماشاالله شوفي المذيعه ويهى صافي وعيونها

يلعن ابو هالسالفه … كلش مو ناويين نخلص !
فوق كل هالغم مازلت ابلع موس وساكته

الحين طلعنا بسالفه ثانية

اييه صح بنات انا وياها عﻻقتنا عسل يعني مابينا عدااوه
بالعكس نتهادى و اذا راحت بيت ناس او جذيه تقول لي بتسيرين ويايه
واحترمها واحبها وايد وهي بعد ترتاح لي
بس ماشي يكمل ﻻزم في نقيصه

المهم نرجع لمحور حديثنا
الموضوع الثاني اللي هابه فيه هالايام
مثلا اتي سيرة فﻻنه او قوم فﻻن
جدام الناس او جدام ريلي تقول كنا خاطبينها لريلج بس رفضتنا
كلحد جيه تقول
مثلا … اقولها اليوم عرس ربيعتي مسكينه
تقول ايوا كنا خاطبينها لريلج بس رفضتنا عسب تنتظر وظيفه هي حلوة
وكل مااتي سيرة احد نفس الشي
كنا خاطبينها بس رفضت
تحسسني اني كنت اخر الحلول
امبيييييييه صدج صدج امبيييييييه
قسم بتجلطني هالعمممه

المصيبه جدام ريلي وجدام الحريم تقول جيه
والله مدري اقول اتجنبها
ولا شو بالضبط
وهي تعرف انه وايد ناس قبل تقدمون لي بس النصيب يابني لها
يمه شهالنقايص اللي يالسه تتقاذف علي
كلش مو ناقصه هالسوالف الماصخه اللي ماتيي من وراها الا القرص
انا احتراما لها المح لها
واقولها خﻻص ها اول الحين ربي وفقني معاكم
ومدري شو وهي كلس مابذنها ماي
الا توصف وتقول جميله وخطبناها قبلج ورفضتنا
والله لو ادري ان ولدج خاطب قبلي و بتيلسي تعيدي الاسطوانه هاذي
كان مارضيت به مووول

الوحده راس مالها قلب مو ناقصة
ولاتقولون لي طنشي وجيه ﻻن اني مب مﻻك
ﻻزم بتحسس هاي ريلي ومابيه يفتح عيونه على اشيا بسبتها

وطبعا اللي يقهر ويفقع المراره وايييب الضغط مع السكر مع الصداع
ان اللي تتوصف فيهم جمالهم بسيط جدا
يعني مدري على ايش ياحظي

الله يكف هالبلا عنها يارب ويريح قلبي
شالحل حبيباتي؟؟؟؟؟؟؟؟
من جد ﻻيعه جبدي وصايره مابي اكلمها اتهرب
عشان ماتزيدني فوق اللي فيني خطبنا خطبنا جدام ريلي

هالريل انا ناسفه قلبي وكبدي عشان اسنعه وبالاخر اتضيعه لي
ﻻ اله الا الله

الله يعينج ويصبرج عليها . يوم تسمعينها تقول هالكلام حاولي تتمدحين فعمرج وقوليلها أنا بعد وايد خطبوني لكن النصيب يابني عندج .وتمي ادعي فصلاتج ان الله يهديها ويصرف أفكارها عنج .

المشكله انها امه لو اي حد ثاني بقولج خذي موقف …

هي اقلها حركه وحده … ف يوم تسيرين عرس او خطبه او حتى صالون … وعقبها يوم ريلج وامج موجودين ويا ب

بعض سوي عمرج متفاجىه من موقف وجي انه اونه يتج وحده بغت رقم اهلج عسب تخطبج لولدها وعقب يوم عرفت انج معرسه

تمت تقولج مب مبين بعدج صغيره وحلوه و مالنا نصيب بالزين سوي جو لعمرج كل ما فتحت موضوع ييبي سالفه من

راسج … وهكذا … عقبها شوفي لو ام ريلج تمت تقول هالدعايات

الله يفرج همج ياارب

^^ والله فكره جربيها يمكن تضبط معاج وتصطلب

عادي حبيبتي خلج واثقة من نفسج واضحكي
لا تحسسينها انج متضايجه و تتنرفزين لأنها بتزيد
سالفة انها توصف الحريم انا وياج غلط وما يجوز
بس سالفة كنا خاطبين فلانه وعلانه خلج كول واضحكي
و قوليلها انا بعد كانو خاطبيني من هالعايله بس رفضت كله قسمه ونصيب والواحد ما ياخذ الا اللي الله كاتبله
و عادي ولدج اصلا نصيبه طلع أحلى منهم يا بخته ههههه خلج واثقه و هي بتترك هالسوالف

ههههههههههههه والله نفسي
تقول كنا بنخطب له

بس ابين لريلي اني احلاهن واني ع اخلاق وكل ماروح عند احد اقول له انها مدحتني واقول قالت لي الحرمه ياحظ ريلج فيج
حلوه وادب وسنع

ويوم تقول لي سالفه اننا كنا بنخطب لريلج اقول لها سبحان الله كل واحد ياخذ نصيبه ولو انا خذيت الي خطبني اول يمكن مااكون مرتااحه معاه

وسبحان الله ربي جمعني مع ريلي

اهم شي لاتبينين انج متضااييجه وخبريه الي ف التلفزيون كله عمليات تجميل والعمليات في النهايه تييب امراض
ولو اتكلمت عمتج على فلانه وعلانه سكتي منها لاتردين عشان مايعرف ريلج انج تغارين او مهتمه في الموضوع

وعقب اي زياره مدحي عمرج وقولي كل الحريم قامو يطالعوني ومن هالكلام
وصدقييييييييييييييييني بشوفج عروووووووووووووووس دوووووووووووووووووم يارب ^_^