ما ادري عرفتوني ولا نسيتوني طبعاا هل معرف الي اكتب فية هو اساسا لي انا . بس عندي صديقات ملاقيف يستخدمونة
ياحبيلكم ياصديقاتي <<<<<<<<<خافت
المهم اكيد اكثركم قد قريتو قصتي الي كانت على هذا الرابط …
https://www.******.com/vb/showthread.php?t=217588
المهم ابشركم تم الزواج الحمد لله و رجعت من شهر العسل
اكثركم كان يبي يتطمن على و الاكثرية راسلوني ان كان في ايميلي او على المدونة يبون يعرفون اخباري..
الحمد لله اني مبسوطة و الحمد لله الحمد لله احس ان الثالثة ثابتة خخخخخخخخخخخ
يالله يا بنات كيف تعبت و عانيت في اول حياتي في زواجي الاول و الثاني …
و عانتيت اكثر في المجتمع و نظرتهم للمطلقة رغم اني كنت قوية ولا همني حكيهم بس ولو كانت فية كلمات توجع و تذبح تاصلني من الناس
بس تدرون ماكنت ارد احتسب الاجر و بس و بنفس الوقت اقابلهم بوجة واثق مبتسم مايهمة حكي الناس
و هذا جننهم
رغم اني لما ارجع في اخر السهرة للبيت ابكي من السم الي تجرعتة من الحريم و تجديعهم للحكي..
بس رب العالمين نصرني لانها مو غلطتي هذا قدري و نصيبي و الله ابتلاني و امتحنني بزواجين فاشلين و كان التقصير و النقص منهم ليسا مني ….
ربي احس انه كافئني لاني شريت راحتي و شريت ديني قبل دنتي
رب العالمين وفقني لاني ماخليت الرجل رقم واحد في حياتي
حبيت الله و امنت فية و امنت برسولة
و بعت من باعني .. و استبدلت تعاستي بحريتي و سعادتي
و رب العالمين كافئني الان بزوج طيب و حنون و خلوق و كريم
فية اكيد مشاكل زوجية لاتخلو الحياة الزوجية من المشاكل حتى ولو كنا في شهر العسل
بس كانت خلافات عادية و بسبب نضوجي و نضوجة صار فية تنازلات مني و منة لانحل الاشكال و لما نتصافى نرجع احلا كناري ..
الي ابي اوصلة لكم يا خواتي ..
انتي ما احب اشوفكم في هل ضعف و السلبية
ان اتعرضت للضرب من زوجي الاول رفسني مرات و مرااات برجلينة و كنت اصبر لان الناس تقول اصبري و احتسبي
بس لمتى
تخيلو معي لو اني للان في ذمتة كان ايش وضعي الان
مافية حب عايشين مع بعض غصب كل واحد يحاول يتقبل الثاني ..
بيننا اطفال و نقول راح نستمر عشان الاطفال
راح يدخل على في الليل و ريحتة عطر او بقعة روج على كمة
و راح اسمعة مرات و مرات يتغزل في حبيبات القلب …
اخترت اروووح و انفصل رغم انة كان خيار صعب
تطلقت من زوجي الثاني
تخيلو لو اني لسة معاه
كان ممكن من علاج لعلاج و من خمر ممكن لمخدرات و حشيش
و من ادمان لادمان
و انا من صبر لصبر
و من ديون لديون
و من خوف لرعب
اخترت حريتي و سعادتي
يمكن لاني احببت الله و حبيت نفسي الله سبحانة ماضيع دعائي ولا رغباتي
كنت ابكي الليل
كنت مثل الطفل الي ضايع
في لحظات كنت راح افقد ايماني بالله تعالى بسبب رجل
بسبب رجل كنت راح انسى ديني و لية الله سبحانة خلقنا في هل حياة
كنت راح اخلي الرجل طموحي
كنت راح اسعى لأرضائة و انسى ارضاء الله
كنت راح شوي و استغفرالله اعبد الرجل بس عشان يحبني و يرضى عني
كنت راح اضيع ديني بسبب رجل
الحين الحمد لله مرتاحة يابنات و اتمنى من كل قلبي كل وحدة منكم ترتاح مثلي
لقيت الرجل المناسب بعد ماقويت علاقتي برب العالمين
لقيت الرجل المناسب بعد ماخليتة هاجسي
مو لقيتة هو لقاني لاني في ذيك الفترة شلت فكرة الزواج من راسي
كنت ابي اعيش حياتي لديني و لابني و وظيفتي
خواتي
النتيجة الي طلقت فيها من 3 تجارب
اذا لحقتي الرجل راح عنك و اذا تركتية لحقك
اذا بينتي لزوجك انك انسانة مثقفة و واثقة من نفسك و ان وراح سند احترمك و ظرب لك الف حساب
الرجال مايحب المراة الي تتصل فية 24 ساعة
الرجل مايحب المراة الي تقرقر على راسة 24 ساعة
اول انا كنت اقرقر على زوجي الاول و كان يقول لي اتمنى لسانك ينشل كنك ازعجتيني
انتي بالعة مسجل على هل سواليف
رغم اني ما كنت قرقارة بس سبحان الله ماحبني ولا حب سواليفي
زوجي الحالي يناديني يقول وينك تعالي جنبي سولفي على ماشاء الله
تدرون ليش لاني ما اجي عندة و اسالة وش سويت وين رحت وين جيت و سواليف مالها اي داعي و خرابيط فعلا لما شفت نفسي و اتكر نفسي كنت اقول شي مفيد و شي ماهو مفيد هههههههه
الرجال يبي سواليف مفيدة و مختصرة
اول كنت اتلبس لزوجي
الحين صرت اتلبس لنفسي
اول كنت اغير صبغت شعري لزوجي و اسالة وش تحب لون و الشعر الطويل ولا القصير
الحين اغير لنفسي و اقول لة انا احب نفسي كيذا
اول كنت اطبخ عشان الرجل
الحين اطبخ لنفسي و ابدع و اتحدى نفسي اني اسوي الطبخة الفلانية
صرت اغير و اغير لنفسي و بس
عادي ودي اكون انانية من حقي اكون انانية طول ما انا ماني جالسة ااذي احد او اضر احد
بنات
انا احب نفسي
منقول
بانامل سنوات ضاعت
