جربت فطيرة الزعتر لمس توته
بصراحه جونااان الكل في البيت عيبه
بتستغربون انه موضوع جديم 2024
بس مادري رحت الصفحات اللي ورى
فشفته ورغم انه مافي صور الا انه عيبني
هذا رابط موضوعها
https://forum.uaewomen.net/showthread.php?t=605370
بصراحه تسلم ايديج فديتج
..
الحين انا بقولكم شو سويت بالتفصيل وبعدين بحط لكم الصوره
مقادير الطبقه الاولى
كاس طحين رقم 1
كاس ماي دافي
بيضة
نص كاس شاي زيت .. اهوا ستكانة كاملة انا احط نص ( هي جذا كاتبه بس انا حطيت ثلاثة ارباع استكانة شاي )
3 م ك حليب بودرة
رشة ملح
م ك خميرة
نص فنيال سكر
…. خلطتهم مع بعض وخليتهم ربع ساعه ورجعت لهم …
رجعت للعجينه وبتكون سائله ، بعدين حطي العجينه في بايركس انا استخدمت اصغر بايكرس موجود عندنا في البيت
ولما اتحطينها هي لازم ترتاح فإنتي حطيها واقعدي اشتغلي على مكونات الطبقه الثانيه وبهالوقت بتكون ارتاحت وبتلاحظين انها ازداد حجمها
الطبقه الثانيه مكوناتها ::
انا بكتب اللي انا سويته .. اذا تبون تعرفون الاخت توته شو حطت ادخلوا موضوعها هو نفس الشي بس الكميات مختلفه
– قشطه قوطي كامل
– 5 ملاعق مايونيز
-5 ملاعق جبن
– حاولي اتحطينه في كل مكان واذا ماتغطى كامل مو مشكله وحاولي انهم ماينخلطون مع بعض انا شوي قعدت اوزع ولما شفت صار اندماج قعدت احط بدون مااوزع ..يعني عادي لو ظلت مسافات مافيها
الطبقه الثالثه بتكون عباره عن زعتر
رشي زعتر غطي المنطقه كااااااااامله
اخر شي دخلي الفرن شغلي من تحت ودخلي السكين مثل مالاخت قالت عشان تتأكدين اذا صار اذا شفتي جبن طلع معاج في السكين فبيكون صار اما لو شفتي العجينه فبيكون بعد يباله وقت لانه الجبن بيكون سايح ومابيجمد وهالحلو فيه
– بعد مايصير من تحت شغلي من فوق لين مايصير احمراااار .. وسكري وبالعافيه ..
وها صورته
بتلاحظون في الصوره الثانيه كيف انه الزعتر توزع لما اتحطينه في الفرن يكون كامل مغطى بالزعتر بس بعدين بروحه بفترق
نايييس
مشكوووره ^^
تسلم ايدج و بالعافية ^^
سلمت الايادي