خذيتها من موقع اجنبي وطلع وااايد حلو احلى من الكوكيز الجاهز بشهادة كل اللي ذاقوه وطبعا قضوا عليه بسرعة
المقادير :
2 14 كوب طحين جميع الاستعمالات
ملعقة شاي بيكيغ صودا (حطيت بداله بيكيغ بودر)
ملعقة شاي ملح
كوب زبدة بحرارة الغرفة
34 كوب سكر أبيض
34 كوب سكر أسمر
ملعقة شاي فانيليا سائلة
2 بيض حجم كبير
2 كوب قطع شوكولاته (chocolate chips )
كوب جوز مقطع (ما حطيته)
الطريقة :
1.سخني الفرن قبل لا تبتدين على نار هادية يعني 120 يكون جيد.
2. اخلطي الزبدة مع السكر (النوعين) لما يصير عندج مثل الكريمة.
3. حطي البيض وحركي بعد كل وحدة عدل.
4. الحين حطي الطحين و البيكنغ صودا (أو البيكنغ بودر) واخلطي …. بتشوفين ان الخلطة تكون شوي يابسة وتحتاج مجهود اذا كنتي تخلطين بالخلاط اليدوي لكن عادي هي الخلطة لازم تكون جي يابسة.
5. حطي ال chocolate chips وخلطي عدل
ملاحظة : انا حطيت كوب واحد بس وخليت شوي عشان احطه على الويه.
6. خذي صينية الفرن الكبيرة و حطي عليها قصدير و بعدين وزعي الخلطة بالملعقة مثل الكور ولازم تكون متباعدة و بما ان الخلطة يابسة فبيكون صعب انج تتحكمين في صب الخلطة وبيكون شكلها مو مرتب … بس ما عليج لا تعبين نفسج ترى العجينه ما تحتاج فرد او تشكيل لما تحطينها.
7. دخلي الصينية في الفرن تاخذ تقريبا 20 دقيقة وأنتي بتلاحظين ان الكور بتنفرد شوي شوي و تنفرش وتاخذ شكل دائري بروحها ….. الحين اذا تبين حطي شوي قطع الشوكليت فوق كل حبه وأول ما تتحمر البسكوتات من تحت طلعي الصينية من الفرن.
انتظري لي تبرد بعدين شيليه من الصينية
بالعافية عليكم ……….
فكرت اسويه حق حفلات النجاح عشان يستانسون اليهال واربط كل اثنين بشريطة يكون شكلها أحلى
و
تسلمين الغــالية ع السويت ..]~