تشقير الويه لسلامتك

السلام لكم خواتي
انا حامل فالشهر السادس وشقرت ويهي لاول مرة وانا حامل
بغيت اعرف اذ التشقير يضر الياهل ولا لا؟؟
لان امايه ذبحتني من كثر ما تهازبني

والله أختي أنا ميودة عمري عن لا أسوي
تشقير أو صبغة أو أي شي ممكن يغير
شكلي بس عشان ما يتأثر الياهل
إن شاء الله ما عليه خوف بس كنتي
أجّلتي لعقب الولادة أفضل . .

وايد حريم شقرن ويهن ما صار لهن شي ياختي وانا بحملي الاول وااااااااااايد شقرت ويهي والحمد لله عادي وربعاتي وحريم من الاهل شقرن وماصار لهن شي بس اهم شي لا تشقرين بطنج ولا صدرج ولا شعرج يعني مثلا ريولج عادي والله اعلم هذا الي اعرفة واقولج عن تجربه نسيت اقولج اناحامل في الشهر الثاني وشقرت ويهي عشان العيد

عن نفسي شقرت لاني سألت الدكتورة قبل

قالت مافي شي لحد الآن يثبت انه هالاشياء تضر بس الافضل تجنبها في الاشهر الاولى ..

استخدمي أأمن نوع من التشقير يكون طبي يعني : )

ولا تحاتين

انا كنت اشقر حواجبي وانا حامل فالشهور الاولى وكنت اصبغ شعري والحمدلله ماصار شي…وكنت اسوي ليزر لويهي والحمدلله ربيت ويبت بنوته قمممر ربي يحفظها

مشكووووووووووووووووووووووووووووووووووووووورات علني افداكن