عندي تشقق فضيع في الحلمه وينزل دم منها
ويوم ارضع احس بالم فضيع احس روحي بتطلع
جربت كريمات ما نفعن……..
اللي مرت بنفس التجربه تخبرني شو سوت؟؟؟؟؟؟؟؟
وان ما نفع روحي لدكتورة بتعطيج مرهم طبي
وحاولي بهالفترة تشفطين الحليب لا تخلينه يتيمع
إختي..مريت بنفس التجربة
جربت الكريمات وزيت اللوز والفازلين والعايدين بدون فايدة
الشيء الوحيد اللي أفادني بفضل الله بعد أكثر من شهر من المعاناة زيت الزيتون، سبحان الله زيت مبارك من شجرة مباركة فعلاً.
خلال أقل من أسبوع كنت ألاحظ الجروح تصغر وتصغر حتى اختفت تماماً،بالإضافة إنك ما تحتاجين إن شاء الله إلى غسل الحلمة عشان الرضاعة.
فأوصيج بزيت الزيتون ثم زيت الزيتون ثم زيت الزيتون وحطيه بعد كل رضاعة واستمري عليه والشفاء بيد الله وهذه مجرد أسباب،و أسأل الله أن يشفيك أختي.
وينصحون الحامل بدهن الحلمات بزيت الزيتون قبل الولادة عدة شهور حتى يمنع بإذن الله من التشققات .
والله أعلم
لبسي ستيانات قطن (بطانتها قطن) بتحصلينها في ماركس آند سبنسر
عقب ما تتسبحين نشفي صدرج عدل لأن الرطوبه تسوي التهابات و ما شاء الله أحينه نحن في الصيف و وااااايد حر.. يعني الستيان الي تلبسينه اليوم عقيه و البسي غيره
تسبحي بصابون سيباميد .. و إذا عندج مرهم "ميبو" أو " فوسيدين" بعد زين
إذا عندج مره مذوبه في ماي.. خذي منه شويه و امسحي بصبعج على الحلمه و بإذن الله بيبرى الجرح ( المره وايد زينه و بسرعه تلأم الجروح)
أنا بنيه ما عرست تراني.. بس كانت عندي هالمشكله و الدكتوره نصحتني بهالأشيا
واذا ما فاد ويااج راجعي الدكتووره وراح تعطيج مرهم طبي
