تربية الطفل ساعدوني للساحة الامارات

السلام عليييكممم
شخباركم خواتي عساكم بخيررر

بما أني ام يديده ومااعندي خلفيه عن تربية الاطفال فعندي شوية اساله اتمني احصل لهاا رد عندكم

ولدي الله يحفظه يمشي فالشهر العاشر وبصراحه وايد افكرر احين من اللي اشوفه حولي أكيد كل ام تبا عيالها احسسن عيال من كل النواحي*
فغيت اعرف مته اقدر افهم ولدي الصح من الغلط
كيف افهمه مثلا انه مايجيس اي شي ضار مثل واير الكهرب الفيشش متيم فيها ولدي*

الزباله ماتم محلهاا*
كيف اخليه يشارك اليهال بالعابه وماياخذ شي مب له
كيف اخليه مايعصب ويتنرفز لو يبا شي وماعطيته يعني عادي يحرج ويتم يضرب بيده لو يبا شي وماعطيته حته لو سجين خخخ بس ماعطيه طبعاا
**

اذا تذكرت شي ثاني بخبركمم*

فيه شي يمكن بعض العضوات يورم راسهم منه وتصير عندهم قضيه وطنيه لاسمح الله
بس كيف افهم اللي حووولي أني حق التربيه لي أنا وابوه يعني أنا أقوله ريوق وغدا وعشا جي أحاول افهمه أيون يقولون له روح كل نمنم او يالله غدووو*
عندي وحده من الأهل الله يصلحها وواحد وايد يستخدمون كلمة جب يعني لو الياهل يلعب ويزاعج يقولون له جب صح مايقصدونها بس مابا وادي يتعلمه وعقب يوم أقوله شي يقولها لي او لابوه

اترياا ردودكم الطيبه*
ولا دش عضوه اعصابها بشعرها وتنهد عليه مافيني خخخخخخخخخ

أختي ولدج بعد صغيري
وانت عليج تكلمينه وايد وتسولفي معاه أهم شئ

ان شاء الله البنات يفيدوونج

عندي طريقه حلوة عشان تفهمينه انه هذا المكان او الشي خطر، استعملي البلاستر الاحمر ( لصق تيب بلاستيك ) ان شاءالله تكوني عرفتيه وغطي فيه المكان يعني كوبس الكهربه لما يمسكه روحي جيبي اللصق وحطيه عليه بشكل x وهو واقف يشوفج – وبصراحه أنا حطيت ليمون على اللصق – وقلت له هذا خطر ورحت اراقبه من بعيد حاول يشيل اللصق وحطه بفمه لما ذاق اليمون !!!!!!! هرب رجعت انا وحطيت اللصق مره ثانيه وهو يشوفني بس هالمرة ما قرب. من بعيد يطالعني . وبعدين ما تخافي من الكلام اللي يسمعه الولد من الناس المهم انتي، لان الطفل يكتسب لغته من الام والاب والاخوان الاكبر منه. دمت بعافيه انت وطفلك.