شلونكم خواتي ان شاء الله بخير ..
حبيت اسالكم في احد يعرف طريقة التراميسو حلوه ومضبوطه ؟؟
خاطري اسويها بس ماعندي طريقتها وابي طريقه مجربه
عالخاص كوبي ما عليكن امر يالغاليات جعله ربي فميزان حسنتاتكن
تجهزين :
علبتين قشطة
ظرف دريم ويب
فانيليا ملعقة صغيره
حليب على ذوقج تبين مال القواطي المكثف او انا استخدم الحليب الطازخ تقريبا اربع ملاعق عاديه او زياده شوي حسب الحاجه
ست حبات جبن كيري او علبة كامله من جبن الفلادلفيا
نسكافيه
اصابع ويفر فنقر ليدي الايطالي البسكوت الجاف اللي مغطى بسكر خفيف
للتزين شكولاته اي نوع تحبينه
حسب الرغبه اذا تحبينه وايد حلو حطي سكر ملعقه او ثنتين انا عن نفسي ما احط لانه بيكون وايد حلو ..
اخلطي بالخلاط الكهربائي الدريم ويب والقشطه والحليب والفانيلا وجبن كيري الين ما تنتفخ الخلطه وحطيها في الثلاجه
هاتي ماء دافئ عادي في صحن عميق شوي وخلطي وياه ملعقتان من النسكافيه وملعقه سكر وغمسي فيها البسكوت سريعا لا تخلينه يتشرب وايد عشان ما يتفتت البسكوت بس من جانب واحد غمسي وعلى السريع جدا مجرد شطحه وطلعي البسكوت وابدي صفي في الصينية الين ما تخلصين طبقه الاولى .. عقب حطي فوق طبقه البسكوت من الخلطه اللي حطيتها في الثلاجه ظهريها وافردي عليها وعقب ما تخلصين ابدي في الصف الثاني وهكذا الين ما تخلصين انا بالعاده على حسب الصينيه اللي عندي تطلع لي طبقتين .. وعقب وزيني بالشكولاته .. وخليها بالثلاجه على الاقل خمس ساعات الين ما تتماسك الخلطه مع البسكوت .. انا اخليها يوم كامل وترى ما تخرب ترومين تاكليها حتى بعد خمس ايام من اعداداها
وبالهناء والشفاء