الله يخليكم ..
يا أهل الخبره في المطبخ ,, أنا يديده في هالمواضيع وأبغي مساعدتكم
أممم ..
شو أحسن طريقه في تذويب الدجاج و الربيان و السمك و البرقر و النقانق و اللحم المفروم ..
الصراحه مول ما عندي خبره
بلـــــــــــــــــــيز ساعدوني
على حسب اذا تبينه للغدا سمج و لحم هالسوالف يعني اللحوم جيه ع ـالساعه 11 ولا 12 الظحى فطاسه فيها ماي عادي
النقانق فجيه من كيسته وحطيه فماي عادي وبسرعه بيذوب
النقتس وهالسوالف ظهريه من الثلاجه قبل ماتقلينه تقريبا بنص ساعه لين مايذوب الثلج عنه
وبخصوص وقت الشتااا انطلعه قبله بيوم ..=)
ونزليهم قبل بيوم للثلاجة تحت
امممممم اغلب الردود يلي قريتها فيها بعض المشاكل
المشكله الكبيره ان كثير من الناس ماتعرف كيفية تذويب اللحوم سواء كان دياي او لحم او سمج
اكبر مشكله لو ذوبتيه بماي لانج بجيه تسمحين لنوعية من البكتيريا بالتكاثر وهالشي اكيد خطر على الصحه العامه وممكن يصير تسمم
ما انصحج بعد تخلينه بالثلاجه الا لو من الليل صح بياخذ وقت بس هالطريقه سليمه
لكن من خلال تجاربي وقراءاتي بمواقع اجنبيه
اكتشفت ان اسلم طريقه واصح طريقه لكل طباخين العالم
تحطين بجدر ماي + قطع ثلج مب وايد وتحطين اللحم او الدياي بجيسه وتخلينه يذوب
هني رح يكون في تعادل بالحراره ومارح يسمح لاي بكتيريا بالتكون وبعد الحراره بتكون مساويه ورح يذوب بسرعه والاهم انها طريقه خاليه من الخطر والتسمم خاصه
اتمنى الكل يستفيد من هاي المعلومه المهمه جدا