تحبين السويتات وما عندج وقت …دشي الحل عندي وانا بو هندي ^_^ المطبخ الاماراتي

نبدأ….هاتو ورقه وقلم ….وسجلوووووو….:1 (32):

****حلا السنكرز او المارس اللي موجود عندك****

كيك جاهز يقطع شرائح ويصف بالصينيه او اذا ماتبغي كيك ممكن بسكوت مغمس بالحليب ومرصوص 3 الى 4 طبقات
نسيح 3 ملاعق زبده + سنكرز او المارس وبعد مايسيحو تحطي علبه قشطه وتصبينه فوق الكيك وبالثلاجه

****كيك التويكس****

6 اصابع تويكس + 3 كريم كراميل + 3 قشطه
وبنخلطو بالخلاط ونصف بالصينيه شرائح كيك العائله ونصب الخليط فوق الكيك وبالثلاجه

****حلى التويكس****

3الى 4 طبقات بسكوت مغمس بحليب مذوب فيه نسكافه
في الخلاط
2قشطه + 3 ملاعق اكل حليب بودره + ملعقه صغيره نسكافه +12اصباع تويكس..ونصبه فوق البسكوت وبالثلاجه

****حلى بالبسكوت****

بالخلاط 3علب قشطه + 3 فناجين قهوه سكر بودره + 3 فناجين قهوه حليب بودره
غمسي بسكوت بحليب ونسكافه
وصفي طبقه بسكوت وطبقه من الخليط واخر شي الخليط وترشي نسكويك على الوجه وبالثلاجه

****بف باستري بالتمر****

تجيبي البف باستري المربعات وتقطعيها لاربع قطع وتحطي كل قطعه بصينية الكيب كيك الصغيره
وتحطي فيها نص تمره
وتخلطي بالخلاط 4 كيري + شوي سكر وقرفه + بيضه + فانيليا وتصبي مقدار ملعقه اكل فوق التمره وتحطيها بالفرن بس من تحت بالعافيه

****حلى الايس كريم****

تجيبي الكيك الجاهز بنكهة الشوكلاته وتفتتيه وترصيه بالصينيه وتضغطي عليه
بالخلاط 1 علبةحليب حق الشاي + 1 كريم كراميل + 1 دريم ويب + 1 علبه قشطه + سكر شوي وتصبيهم على الكيك وبالفريزر

****كيك سويسرووول****

تجيبي الكيك السويسرول بنكهة الشوكلاته او الفانيليا (اي واحد السويسرول الاصابع ولا الكبير )وتقطعيه شرائح وتصفيه بالصينيه
بالخلاط
3 مارس + 2 قشطه + 2 دريم ويب
وصبيه فوق الكيك وبالثلاجه

****حلا القرفه****

نص كوب دقيق + نص كوب سكر + 2 بيض + نص كوب حليب سائل + نص ملعقه شاهي قرفه + فانيليا + نص ملعقه اكل بيكنج باودر + ربع كوب زيت وينخلطو بالخلاط
ونصبهم بصينيه مدهونه وبالفرن من تحت ومن فوق
ولما تبرد تقطع

وبس:1 (32):

جربوهــــــا….ودعواتكم ان الله ينولني اللي فبالي ……ســــــــــلام