تعالو اوريكم تجهيزات ليلة الحنا او الملجه عند هل البحرين
ممكن تعجبكم بعض الافكار
من بعد الخطبه وتحديد ليلة الملجه تبتدي العروس في تجهيز
سفرتها
ممكن تجهزها بنفسها او تجهزها في محلات خاصه لتجهيز سفر العرائس
هذي بعض الافكار لتزيين السفره وبوضح لكم سبب وجود بعض الاشياء
على السفره 
وهذي السفره
ممكن تكون السفره على لارض او ممكن توزع على طاولات مثل هذي
الشمعدان الابيض الكبير هذا مصنوع من الملح
بخبركم ليش.. من عادات بعض العوائل في البحرين
انهم اييبون الشيخ في نفس القاعه الي يالسه فيها العروس
ويعقد القران امام الحضور وطوال فترة عقد القران توقف
اخت العروس او صديقتها او اي بنت مقربه للعروس شرط انها تكون مش متزوجه
وتفرك القطعتين مع بعض فوق راس العروس
اعتقادهم لابعاد الحسد عن العروس
لكل عروس مرآه خاصه توضع في سفرتها
وحطونها مقابله لها على ستاند اذا كانت يالسه على كنبه
او على الارض اذا كانت يالسه على دوشك
بحيث اتشوف ويها في المنظره طول فترة الحفله
وويعتقدون ان مب زين تاخذ اي بنت ثانيه منظره العروس
وتستخدمها لانها خاصه بحظ العروس
العروس عادتآ تلبس لبس تراثي بحريني
بس مع مرور الوقت اتغيرت بعض العادات
فاصبحت العروس تتفنن فاللبس
اوقات تلبس فستان مصمم بخام تراثي
واوقام تلبس اللبس التراثي المعروف
بعد عقد القران يتقدم المعرس ويرفع المشمر المطرز (( الطرحه )) عن وجه العروس
ويقبلها على جبينها ويتم التصوير
وتقوم ام العروس بتقديم العسل للعروسين
يبتدي المعرس بوضع اصبعه الخنصر في قالب العسل
واعطائه للعروس..
ونفس الشي العروس توضع صبعها الخنصر في العسل وتعطيع للمعرس
ليتناوله
عشان اتصير كل اياهم ولياليهم عسل × عسل
اكمل والا خلاص
بشوف اذا شي ردود تشجيعيه بكمل
كملي كملي
احسه وناااسه
كملي حبي
كملي
كملي