تجهيزاتي للعيد.. (المرحله الأولى)

طبعا العيد ياي وكل وحده يالسه تحجزلها موعد من الحين في الصالونات وتوابعه..

بس اللي مثلي فالغربه ما عندها غير حل واحد.. الاعتماد على النفس

ماحب صالونات أمريكا.. لا ظفور ولا صبغ ولا قص.. نحن ما ييب راسنا غير شغل البلاد.. وااي فديت البلاد وأهلها..

موضوعي هذا لكل وحده ماتقدر اتسير صالون لأي ظرف من الظروف وتبغي تتعدل (لنفسها أول) وزوجها وأهلها..

قبل ٦ أيام من العيد إن الله أحيانا..

أول نقطه: لا اتخلين أي شي لآخر لحظه.. عشان يوم العيد ما اتكونين معفوسه مثل حالتي العام

ابتديت اليوم بتنظيف الجسم كامل من الشعر الزايد..
طبعا هاذي المرحله وايد بتوفرلج وقت قبل بيوم من العيد اذا بغيتي اتردين عليه..

بعدها سويت ماسك لجسمي وويهي مكون من زيت الزيتون وطحين النخي أو الحمص وحليب طازج..
نصيحه للي تريد اتخلي جسمها كله لون واحد اتسوي هاذي الخلطه.. لانه كان فيه نمش في ايدي والحمدلله الحين راح بعد ما استمريت عليها..

واللي عندها أي أفكار أو ترتيبات لا تبخل علينا..