شخباركن خواتي؟؟؟ عساكن طيبات؟؟؟؟
اليوم حبيت اعرض هالموضوع لان تربية ولدي شاغله بالي…وحابه ان ولدي تطلع تربيته سنعه واعلمه على تعاليم الدين الاسلامي وخاطري يكون فاهم ومؤدب وشاطر حتى بالمدرسه
الحين عمره سنه ونص لكن من خلال تجربتي بخبركن عن اساليب تربيتي لولدي ,,, واي غلط في التربية ياريت حد يوجهني واللي عندها افكار في تربية الطفل … او تعويده على اسلوب معين ياريت لاتبخلن علينا بأفكاركن…
اولا : اخصص وقت لولدي وصرت العب وياه وايد … اشتريت له كتاب الرسم والوان شمعيه وصرت الون ومعاه انا وابوه عشان يتعلم المشاركة لاني في الفتره الاخيره اشوفه صاير اناني ومايبا حد يلعب وياه …
استانس وايد وكل شوي يبانا نلعب وياه … اخليه يلعب مع اليهال عشان شوي يفج من الانانيه اللي فيه .. بس هو طبع تقريبا في معظم اليهال …
قبل كنت اتبع مع ولدي اسلوب مب حلو… كنت اعصب عليه واحيانا اضربه شوي … بس الحين هالاسلوب ابدا مااتبعه لكني يوم اعصب اكون صارمه معاه … وصار يخاف شوي لما اعصب وبدأ يسمع الكلام
ثانيا: بما اني احب ولدي يسمع كلامي ومااباه يعاند.. قمت كل يوم بل ليرقد احطه بحضني وايلس اقوله كلمات مثل ولدي شاطر.. ولدي مؤدب .. انت حلو.. كلهم يحبونك لانك تسمع الكلام… وخاصه كلمه انت تسمع الكلام وايد ارددها اذا عاندني فـ يذكر اني دوم اقوله انت شاطر لانك تسمع كلامي…وامسح على راسه ويسمعني وشوي شوي بدا يتغير عنده اسلوب العناد…
ثالثا: شئ انا معودتنه عليه … اللي هو القرآن ولله الحمد… صرت كلما ما اقرا قران ولازم اعلي صوتي … اييني ركض … ويقعد على ريولي واونه فديته الله واكبر يقرأ معاي… مايفهم شو يقول بس يخربط بس اللي افهمه انا انه يحاول يقلدني… وانا حاطه في بالي ان شاء الله ومعزمة على هالشئ اني بحفظ ولدي القران كااااااامل اذا ربي راد لي ان شاء الله ….واسكت شوي انا واقوله يالله اقرأ .. فـ الحمدلله هالشئ انا معودتنه عليه من يوم هو صغير.. او اني بحطي له قران قبل ليرقد وبنرقد على صوت القرآن ,,, وتعودت بعد امسح جسمي وجسمه قبل لنرقد يوم اقول الاذكار .. فـ الله اكبر يشل ايده ويحاول يقول نفسي ويحاول يمسح جسمه ….
رابعا: امس رحت دبي مول وخذت لولدي قصص تعليميه وكتب وايده بس والله حلوووووة واستانس عليها واااااااااااااااااااااايد… واحاول اقراله قصص كلما فضيت.. وخاصه اني احب العب معاه .. واحاول اعزز علاقتي وياه …. احاول اعطيه الحب قد مااقدر عشان اخليه واثق من نفسيه… دومي اصفق له واشجعه اذا سوا شئ حلو…. حتى صار هو لما يسوي شئ يونسني يصفق لعمره …. ماشاء الله عليه الله واكبر,,,,
اممممممممم شو بعد انا معودتنه… ايوا … عودته ان لما نرقد ويشوف الليت خلاص تبند يكست ومايرمس ابدا… يعني من ابند الليت اقوله اشششششش بس اسكت بصوت خفيف … وتعود انه يسكت الا اذا بيلعب شوي وعقبها بيتم ساكت…
حتى اذا بيرقد وبيقوم بالليل يبا يرضع اول مايقوم يطلع صوت خفيف انه بيصيع وعقبها انا اقوله اششششش اسكت .. وبعدين اشغل الليت وييلس صوبي وانا اسويله المرضعه ويرضع ويرقد وماشاء الله تبارك الرحمن يكون سااااااااااكت… دومي اعوده على شئ حلو واحاول اغرس فيه الاشياء اللي بتفيده … وانا من النوع اللي اكره الحشره فـ احب انه يكون هادي شرواتي…
في اسلوب ثاني اتبعه وياه الا وهو اسلوب التخويف.. يعني مثلا اذا ماسمع كلامي احمر عيوني او اني ازعل واوني بصيح فـ يحاول اونه مايزعلني واييني ويسوي اللي انا اباه…
وهو عنده بعد شوي مب حلو اللي هو يكره يبدل البامبرز ماله يعني لما يشوفني مجهزه اللوشن والبامبرز وغيره يشررررررد … فـ انا صرت اقوله بابا انت آآآآآآآآع واوني اسكر خشمي وريحته اونه مب حلوه… وااشر على البامبرز اليديد واقوله اللـــــــــه حلو … ريحته حلوة فـ شوي شوي قام اييني بس بعده شوي دقات .. مره اييني ومره يعاند…
بس انا اركض معاه والاعبه ويضحك وابدل عنه يعني مب بإسلوب وحشي….
بس عندي مشكله اعااااااني منها الا وهي ان ولدي مايااااااااااااااكل,,, اتبعت وياه ااساليب لكن ماشي فايده ….
المهم خواتي هذي تجربتي في تربية ولدي… ياريت كل وحده تخبرنا اساليب معينه نتبعها مع عيالنا … لان نحن محاسبين على تربية عيالنا …
حيااااااااااااااااااكـــــــــــــــــــــــــــــ م خواتـــــــــــــــــــــــــــــــــــــــي في التجمع
لا اله الا انت سبحانك اني كنت من الظالمين.
سسبحان الله وبحمده عدد خلقه ورضا نفسه وزنه عرشه ومداد كلماته.
ماشاء الله تبارك الرحمن ولا حول ولا قوة الا بالله
اللهم صلي وسلم وبارك على محمد افضل الصلوات …
يلا وين التفاعل الي عندهم اعيال ^^
جزاج الله خير ع الموضوع الروووووعه…
انا بنتي كبر ولدج..وفديتها تعرف الوقت الصلاه تقول الله اكبر وتوقف تصلي معاي..وعودتها من كانت صغيره تعق الزباله …
ومشكلتها العناد بعد…للحين ما قريت كتب او مقالات عن الاطفال ونسيت كل اللي قريته..ومشكلتها انها تحب ابوها اكثر فما تسمع كلامي مثله…*
تقرن الموضوع وتشردن
اقربي خواتي
يا الله …يا كريم…يا أول…يا آخر…يا مجيب…يا فارج الهمّ،…ويا كاشف الغمّ،
فرّج همي ويسّر أمري……..وارحم ضعفي وقلة حيلتي
وارزقني من حيث………..لا أحتسب يا ربّ العالمين
القصص المرتبطة بالبيئة.
اللعب من خلال اللعب مع الطفل هو يشوف السلوكيات الطيبة منج ويقلدج انتي قدوته خلال اللعب.
بديت احفظ ولدي عن طريق تكرار سورة واحدة قبل النوم شهريا وبعد شهر اغير السورة واكرر سورة ثانية اذا كان الولد يتكلم بتغيرينها قبل على حسب حفظه بس الحفظ كل مرة يستوي اسرع مع الممارسة.
في فكرة حابة اطبقها بس بعدني ما طبقتها اللي هي الجدول اللي فيه السلوكيات الطيبة واحط له صح عند كل سلوك صحيح واذا اخطا احط خطا وكثر ما يجمع الصح ياخذ هدية في كتب روعة في التربية للدكتور مصطفى سعد مثل التربية الايجابية والاطفال المزعجون وفي كتاب اسمه التعليم المبكر للطفل وكلهم في جرير والله يعيني ويعينج على تربية اولادنا في الكثير من الوسائل بس ماتحضرني الحين وفي بعضها لما يكبر ولدج شوي تقدري تطبقينها بس نصيحة لاتقارنين ولدج باي طفل اخر بعض الاطفال امكاناتهم الحركية عالية والعقلية اقل وبعضهم هاديين وامكاناتهم العقلية اكبر بس ما يظهرونها لانهم اطفال ما تقدرين تقيسينها يس لما يكبرون تظهر عليهم واشكرج على الموضوع الحلو.