السلام عليكم ورحمة الله وبركاته
انا لاحظت انه مافي ولا تجمع حق عرايس 2024 ،، قلت راح اتريا بس محد حط ، قلت خلاص انا بسوي
شي واحد حق عرايس صيف 2024 ،، بس هالتجمع حق عرايس بداية سنة 2024 ان شاء الله ^^
اللي من عرايس 2024 ، شهر 1 ولا 2 ( عطلة الربيع / المنتصف ) ،، تدخل وتخبرنا :
1. متى تاريخ عرسج ؟
2. خلصتي زهبتج بنسة كم ؟
3. شو شعورج بما انه مابقى وايد ؟
4. حصلتي فستان عرس + كوافيره ؟
5. شو جدولج للعنايه قبل العرس ومتى ناويه تبدين ؟
6. متى بتزهبين شناطج ؟
7. ناوية تهدين بو الشباب هدية زواج ؟ وشو هي ؟
هذه اسئلتي ويلا اللي تبي تدش تشارك وتضيف اسئله وسوالف ،، حياها الله ^^ 
1. متى تاريخ عرسج ؟
ان شاء الله يوم الخميس ، تاريخ 26 / 1 / 2024
2. خلصتي زهبتج بنسة كم ؟
نسبة 70% الحمدلله
3. شو شعورج بما انه مابقى وايد ؟
والله احيانا احس بحزن واصيح لاني بفارق بيت ابوي وااي خصوصا امي متعلقه فيها وايد ،، الله يحفظهم كلهم ويطول بعمرهم ،، ما اتخييل اني اعيش بمكان ثاني غير بيتنا ،، واحيانا احس بالخوف والتوتر من المجهول والحياة اليديده والمسؤولية، بس دايما احاول اتفائل ومتوكله على رب العالمين
4. حصلتي فستان عرس + كوافيره ؟
والله حصلت فستان وايد عيبني عند تاجره من دبي ، هو للايجار ، بس قبل هذا راح ادور فستان للبيع فيكون خاص فيني عشان ما احاتي انه امانه ويخترب ويستوي فيه شيء ، واذا ماحصلت بتوكل على الله وأجر
الكوافيره ان شاء الله جيتا بس بعدني ما أكدت 100% لاني مادفعت العربوون
5. شو جدولج للعنايه قبل العرس ومتى ناويه تبدين ؟
ناوية ان شاء الله شهر 12 ، يعني قبل عرسي تقريبا بشهر وشيء اسوي جدول عناية ، لاني اعرف عمري وااايد اتعايز ما اريد ابدي مبجر عقب اوقف ،، راح اشتري عدة الحمام المغربي وبسوي حق نفسي في البيت + اسوي مساج خفيف لجسمي + ادهنه وارطبه دايما
اما الويه ناويه ان شاء الله اسوي خلطات روب ، طحينه ، عسل وهالامور ،، وشعري اتكاااااسل فيمكن اسوي بالصالون مره مرتين قبل العرس ان شاء الله حمام زيت، او في البيت
اما جسمي الحمدلله اوكي بس يحتاج شوي شد صوب الفخذ فشريت الستيبر وناوية ان شاء الله شهر 10 ابدي عليه كل يوم ربع ساعه ،، وبس
6. متى بتزهبين شناطج ؟
اممم ،، قبل العرس بأسبوعين ان شاء الله او اسبوع ،، احب كل شيء حده حده ، مابي احط الاغراض مبجر وتتخمر الاغراض بدوون تهويه ههههه
7. ناوية تهدين بو الشباب هدية زواج ؟ وشو هي ؟
والله ناويه ان شاء الله ساعة ماركة + عطر Homme Dior Instense Perfum ريحته عذاب والله كل ما ادش غرفة اخوي اشمه ههههههه
حبيت اللوغو ^^
لي عوده
هذا اللوغو الله يسلمج من النت مب انا سويته ^^
طيف الغربه امين يارب مشكوره حبيبتي
الكونتيسه امين واجمعين يارب ، في انتظارج حبيبتي
المشاركة الأصلية كتبت بواسطة بنت الشوامخ 
هذا اللوغو الله يسلمج من النت مب انا سويته ^^
طيف الغربه امين يارب مشكوره حبيبتي
الكونتيسه امين واجمعين يارب ، في انتظارج حبيبتي
كل الشرف لي الغالية
من النت أو من ابداعج
أكيد بس انج فكرتي فيهم شي طيب منج
ونتريا عرايس 2024 مختفيات ^^