السلام عليكم
حابة افتح تجمع نستفيد منه
طبعا الرياضة مهمة جدا
لكن في اجهزة تساعد على ترتيب الجسم و تنسيقه بعد الرياضة او اثناءها
او حتى شد الجسم
او تخفيف السيوليت ( قشرة البرتقال)
للي جربت اجهزة المساج و التخسيس بانواعها
مثل :
Lpg جهاز للمساج
Cryoshape جهاز تبريد
vellashape
زيرونا
و غيرها من الاجهزة المختلفة
فاللي جربت جلسات متواصلة تخبرنا
اسم التقنية:
العيادة:
سعرها :
النتيجة:
اتمنى الكل يشارك بتجاربه وما يبخل ع الجميع
اسم التقنية: LPG
العيادة: كوزموسيرج
سعرها : 2000 درهم ( باكج 12 جلسة ) + 250 سعر البدلة= 2250 درهم
النتيجة: بعد ما خلصت من الرياضة و نزلت وزني للوزن المثالي صار 58 كيلو —> بديت في الجلسات مرتين اسبوعيا و لمدة شهر و نص
و بدى جسمي يترتب و يتنسق و اللي لاحظته مباشرة ان " ملمس الجلد او ع قولتهم قشرة البرتقال" اختفت تقريبا مع نهاية الباكج !!
لكن الوزن مثل ما هو لكن الخصر ترتب بصورة جيدة و البطن بدرجة بسيطة
هل افكر اجربه مرة ثانية ؟ ممكن لكن بشرط بعد ما انزل وزني للوزن المثالي
اما مع الوزن الزايد ما ينفع لان الدهون تتوزع في الجسم بصورة غير متناسقة و الجسم يتغير مع نزول الوزن وتخسرين كل فلوسج
انا جربت نفس الجهاز في القوام الرشيق على ايام عرسي سنة 2024 خخخخخ
كان جسمي جسم بنات ووزني 52 وفعلا مع نهاية الجلسات احس بشرتي استوت افضل
بس ربيعتي كانت معرسة وعقب اول بيبي استخدمت نفس الجهاز وبنفس المكان تقول مول ما استفادت
اتوقع دهون الحمل والولادة صعبه نوعا ما
حاليا وزني 55 واحسه مثالي لطولي بس الله وكيلج احس جسمي مول مب متناسق وخصوصا عندي سيلولايت ومب عارفه كيف اعدل وضعي مع اني العب رياضة واكلي منظم
ها غير كروشة الحمال الصغيره …. هي مب كروشة بالمعنى الحقيقي لا اهي عباره عن ترهل اكثر من انها كرشة
اذا تحسين بيناسبني هالجهاز بستخدمة في كوسموسيرج فرع خليفه قريب من بيتي
ومنكم نستفيد