ابغي كل وحده فيكن مركبة تقويم تدخل وتعطينا خبرتهاااا ،،،، لنه بصراااحه وايد عانيت لين مارسيتلي علي عياااده زينه ،، خلوووونا نفيد بعض ونستفيد عشااان مانضيع فلوسنا وصحتنا وانا ببدأ ^_*
1.من اي امارة ؟ وفي اي عيادة ركبيتي ؟
2.اسم الدكتور ؟
3.استفدي ولا ؟
4.شو سعر التقويم ؟
5.واهم شي المعاملة والنظافة *) كيف ؟
ج 1. انا من العين انشالله باجر بركب عند عيااادة مركز المدار بعد اللف والدوران رسيت عليها لانه بنت خالتي مركبة عندهم ورشحتلي اياها
ج 2. دكتور أسامة
ج 3. انشالله بشوف النتايج عقب كمن شهر بس احس الدكتور فااهم وانشالله يارب يعدلي ضروسي المحيسه ")
ج 4. يقول 8000 من غير التصليح
ج 5. معاملتهم حلووه وايد ارتحتلهم يبتسمولج "يمكن لانهم عيادة اسنان هيه" والمكان راقي ونظيف
يعطوون مواعيد بسرعة مش نفس العيادات الثانية بطلعة الروح يعطونج الموعد
Thats it
شااركونا بتجاربكم
بوظبي / المركز الملكي التخصصي
2.اسم الدكتور ؟
د : رياض
3.استفدي ولا ؟
حمدللة // مرت 4 سنيين النتائج زينة
4.شو سعر التقويم ؟
فتح ملف الفين / كل زيارة 200 درهم
5.واهم شي المعاملة والنظافة *) كيف ؟
حمدللة زينة / مب فخم المكان بس حلو ورخيص سعرة
والله يوفقج حبيبتي
راس الخيمة … عيادة بلسم
2.اسم الدكتور ؟
اعتقد اسمه سوميت جوبتا … هندي
3.استفدي ولا ؟
انا توني مركبتنه … تقريبا خمس شهور تحت … احتمال هالشهر اركب فوق و لازم يتم سنة و نص
4.شو سعر التقويم ؟
القالب 200
فتح الملف 2500
المراجعة 200 كل مرة
5.واهم شي المعاملة والنظافة *) كيف ؟
لا صراحة التعامل زين و النظافة زينة بعد
و ابد ما يجدم حد قبل موعده … وقتج هو ما يغيره حتى لو حد ما عنده موعد و يا قبلج
عجمان—–مركز الأتحاد التخصصي2.اسم الدكتور ؟
أرجون
3.استفدي ولا ؟
تقريبا هيه– ركبته ف شهر 4 واحس اسناني اعتدلت شوي وأماكن الجلع تقلصت..
4.شو سعر التقويم ؟
5000 درهم . بدون بيزات الجلع + وبيزات الأشعه..
5.واهم شي المعاملة والنظافة *) كيف ؟
بصراحه تعاملهم زين مازين…
اهم شي عندهم الوقت لازم تين ف وقتج بالظبط واذا ييتي قبل غيرج عادي يدخلونج مايللطعونج برع لين صاحبة الموعد تتكرم وتيي هههه …
بس الدكتور اسامه يداوم في العياده الصغيره مب في الفرع الرئيسي صح؟ لاني انا اتعالج في العيادة الصغير !!
المهم هذي الاسئله
1.من اي امارة ؟ وفي اي عيادة ركبيتي ؟
العين — مركز المدار ( من 3 اسابيع بس)
2.اسم الدكتور ؟
دكتور اسامه
3.استفدي ولا ؟
والله ماعرف !! خاصه انه قال لي لازم اجلع لج ضرس وانا رفضت فـ قال لي خلاص بركب لج جهاز داخلي بس بياخذ وقت زياده!!
بصراحه حسيت الدكتور وايد عارف وفاهم شغله وفهمني انا شو ابا اسوي بالضبط بدون ما اتكلم هع هع
4.شو سعر التقويم ؟
اممممم اتوقع كامل بيكلف 9000
5.واهم شي المعاملة والنظافة *) كيف ؟
لا معاملتهم توب صراحه وايد اوكي طيبين وسوالف كلهم (لاني كنت اتعالج قبل عند الدكتورة ايناس خلصت ضروسي عقب رحت للتقويم)
كله في صوب والمسكين اللي عالرسبشن يتصل فيج قبل الموعد بيوم ونفس يوم الموعد الصبح وقبل الموعد بنص ساعه (مرات بس يتصل مرتين)
بس عسبت انج ماتنسين الموعد خخخخخخخخخخخخخ حليله
ام فارس حيااااااااااج ،،، خلاص ستوينا ربع دام انا نتعالج رباعه *_^ و امممم انا اتعالج بعد فالمدار الصغير
انشالله البنات بفيدونا بتجاربهم
>> Next