شحالكم أمهات عيال شهر 9؟
بقيتكم تشاركوني بهالموضوع حتى نمشي مع بعض بكل شي
ونعرف اللي نسويه لهم واللي مانسويه؟
وراح نمشي خطوة بخطوة مع بعض
طبعا هاي مب أول ولادة لي بس ممكن حتى أنا أستفيد منكم وممكن افيد الباقيات
بنتي كملت ألحين شهرين وعندها تطعيم هالأيام
هاه من طعمت ولدها أو بنتها تخبرنا شو صار؟ وهل التطعيم قوي أو لا؟
وممكن انتوا بعد تسألون ونجاوب على بعض
حياكم الله
والله يكفينا هالصورة 
انا اول المشاركين ..
بنتي ميمي 
من مواليد 14-9
اول بيبي لي ..
طعمتها من فتره .. اول ما ييت من المستشفى عمتي حطتلها فكس على ريولها قالت زين عشان ما تورم ..
وبعدين عطيتها ادول كل 6 ساعات .. والحمدالله الحمدالله ما يتها حما
وووو شوو بعد
هي فديتها ما تمص المرضعه ملعوزتني >.< بس بعدني بحاول وبحاول وما بيئس
وماعطيها اي شي غير الحليب الطبيعي .. وقريبا بعودها على الصناعي لاني بروح عنها الجامعه ..
وووبس
حي الله بأول الواصلين 
الحمدلله على سالمتج والله يخليلج ميمي ان شاءالله
ياختي التطعين هلكنا
اليوم طعمتها بس استغربت منهم ليش مخلينها 3 ابر
قبل ابرة ونقاط أرحم من جيه
صريخ بالمستشفى وصريخ بالبيت الله يعين
صدقها عمتج الفكس وايد زين أنا بعد أستخدمه
هالشهر عطي بنتج عصاير اذا مافيها حساسية عطيها برتقال وبعد عطيها تفاح وايد حلو
الدكتورة مخبرتني من الثالث العصاير
وبانتظار باقي الخوات عشان نتبادل الخبرات وحياج الله حبيبتي
شحــــالكن وشحال بيبياتكن ان شاء الله بخيررر وسهاله ؟
تسلمين ماما لكنووور بيبي ع طررررحج لهالموضوع اللي بيخلينــــا نستفيـــــد منه اكثر واكثـــــر
انا بنتي كملت شهرين واسبوع تقريبـــــا
طعمتهاا الاسبوع اللي طـــــــــــاف
وكان التطعيم ابرتيـــــــن وقطره فـ الحلج
النيرسات كانن وايـد باردااااااااااات انقهررررت منهن الصراحــه
اول مارديت البيت عطيتهاا أدووووول وترييت لين خطفن 6 ساعات
وعطيييييتها مره ثــــــــــانيــه والحمدلله الحمدلله مايتهااا حمـا
=)
لكنور اي عصاير نعطييهم ؟
لازم يكملون الشهر الثالث عقب نعطيهم . ولا عادي الحيـــــن ؟
تاريخ الولاده 25_9
بعدني ما طعمتها بس خايفه
ووين احطي الفكس؟
مكان التطعيم ادهن ريلها
إن شاءالله بعد العيد بودي بنتي حق التطعيم لأن مكتوب نهاية الشهر الثاني..
بس واايد خايفة انه تيها حمى…
يحليلهم النونوات
بنتي ربي بحفظها شوي ملعوزتني لأنها ما تاخذ المرضعة مع انه حليبي فيه،،
مرات أكون تعبانة أبا أرتاح فأريدها شوي على لأقل تاخذ المرضعة،، الله كريم..