تجمع أمهات طالبات وطلاب مدارس الإمـــــــارات الوطنيـــــــــة2024

أرحب بكل الأمهات اللي اولادهم وبناتهم ملتحقين في مدارس الإمارات الوطنية

أعرفكم بنفسي أولا وياريت كل وحدة تدخل بعد تعرفنا بنفسها مثلي:

الجنسية : اماراتية

هل تعملين: نعم

عدد الاولاد المنتسبين لمدرسة الإمارات الوطنية 2024-2016

عندي بنتين الله يحفظهم وحدة صف اول ابتدائي والثانية صف ثالث

كم
سنة صار لهم في هالمدرسة:

من بداية دراستهم في الكي جي 1

تقييمك العام لكل ما في المدرسة (يعني كم تعطينها)؟
70%

تقريبا المدرسة ممتازة مع وجود بعض العيوب والنواقص التي في نظري ولكنها افضل من مدارس كثيرة

في أي فرع يدرسون:

كانوا العام في معسكر ال نهيان بس السنة نقلوهم الفرع الجديد اللي في المناصير

تقييمك لرسوم المدرسة:
عالي جدا خاصة الباص ست ألاف في السنة للطفل أشووووفه مبالغ فيه

المناهج:

انا ما اعرف شو مناهجهم بالضبط لكن اشوف عيالي الحمدلله يتعلمون اشياء كثيرة

عزيزاتي الأمهات
أرجوكم ثم أرجووووكم لا تكسروون مجاديفنا وتذكرون عيووووب المدرسة وتحسسوننا بالاحباط والندم

**

أنا اعرف ان المدرسة مب عاجبة الكثيرات لكن خلاص الاطفال بدوا الدراسة الله يوفقهم

حاولوا قد ما تقدرون تذكرون ايجابيات المدرسة

أنا ما اقول امدحوها بشي ما فيها

بس على الأقل لا تعيدون وتزيدون بالسلبيات الا اذا كان عندكم حل للمشلكة

يعني انا فتحت هذا الموضوع عشان يكون للنقاش في اي شي يخص المدرسة
لأن صعب نلتقي ونتكلم مع بعض

**

مب لازم تذكرون عيوبها وتكرهوننا فيها

مثلا قضية اللبس هالسنة
انا اشوف ان القطعة ممتازة وناعمة وكواليتي عالي خاصة ان المقص الفني استلم التفصيل

لكن فكرة المريول الطويل وايد نرفزتني خاصة لطالبات الصف الاول

انا بنتي قصيرة نوعا ما واحس الحركة فيه صعبة وااايد

حليت مشكلتي وقصرت المريول شوي

**

اللون كئيب شوي بس اللون مش قضية كبيرة تناقش فيها هني

فهمتوا علي

الأكل : مرات كثيرة بناتي ما يعجبهم أكلهم (الخضراوات والتونة وطريقة طبخ اللحوم )

وهذا مش لأن الاكل سيء

بس لأنهم يحبون اشياء معينة وتعودوا على أكل البيت

أخيرا:
انا اعاني من سالفة المواصلات
سعر الباص واااايد غالي وياريت كان المبلغ لسيارة خاصة
باص يلف على أكثر من شارع

بس تواصلوا معاي على الخاص

وحياكم الله وكل عام دراسي وعيالكم من المتفوقين ويسهل عليكم تدريس عيالكم

**