شحالكم بنات وحريم وعيايز,,,لوووووووووووووول
بما اني استخدم ((الروكتان)) وبعدني ما اعرف شي عنه
حبيت اسوي تجمع لكل وحده استخدمت هل حبوب والي تستخدمه والي حابه تستخدمه
ونفيد بعض بلمعلومات وكل وحده تسال عن الشي الي تبا تعرفه فدواء والي تعرف بترد عليها
وخبرونه كم كملتو وانتو تستخدمونه وحسيتو بتغير وله لا
وسؤالي هو
(احس شفايفي وااااايد تتقطع لدرجه اني من اظحك تتشقق وينزل منها دم وشكل
شفايفي يلوع الجبد هل هذا طبيعي وله لا وشو اقدر استخدم عشان يخفف من هل جفاف))
اختي استخدمتهن وتمت بدون الحبوب بس كمن شهر وعقب رجعلها
وهن يسببن جفاف وايد
لازم تشربين ماي وايد في اليوم
بس نصيحه فجيهن
يسبب جفااااااااااف وايد واكيد انتي بتتعايزين تشربين كل يوم وايد ماي يعني دبل دبل الي تشربينه العادي
لازم تشربين
وترا الجفاف يسوي تجاعيد
يعني بيتجعد يلدج
ف نصيحتيه فجي عن الحبوب
واذا كنتي متزوجه لازم ماتيبين عيال الا بعد سنتين من استخدامج للحبوب
لان لاسمح الله يمكن ياثر على الجنين بعدين
وهاي نصيحتي
عاد جوفي المجربات شو بيقولن لج
بس انا الي اجوفه الي كلن الحبوب كلهن قالن ردلنا معن منتظمات 6 شهور
وان شاء الله نستفيد من هالموضوع …
بس عن التشققات هو شي طبيعي .. واشربي ماااي واايد واايد وشي مرطب اظن بس ما اعرف شو اسمه …
ولازم اتكملين 6 شهووور .. بس له نتايج روعه حسب اللي قريته واللي خبروني اياه وشفته ..
وان شاء الله من تبدأ الاجازة راح استخدمه ..
وانا بعدني ما تزوجت عشان جي قررت استعمل الدواء قبل لا اعرس
لا وياكثر المرات الي بتنسين تستخدمين الدواء فيها
انا خدته سوالي عكس العوارض .. شعري كثف وشهيتي قفلت ضعفت وااااااااااايد والجفاف بس مرااات فشفايفي بس مرطب كان يكفي بس كملي العلاج لاتقطعينه بيرد مثل اول لاتغرك النتايج من الحين
موفقة حبيبتي