تجربتي مع كراتين البوتوكس لبشرة ناعمة

هلا بنات شخباركم
من ثلاث شهور ونصف تقريبا سويت الكراتين البوتوكس ووعدتكم إني بكلمكم عن تيربتي لكن عقب مااتاكد من ثبات النتيجة للأمانة هو حلو لكن مايمشي إلا مع إلي شعرها وايد خفيف عسب ينبان إنه صار كثيف لأن البوتوكس يعالج ويفرد ويكثف الشعر
يوم سرت لراعية الصالون خبرتها إني ياية بسوي كراتين الذهب لكنها يوم شافت شعري خفيييييييييييييييف عسب الرضاعة نصحتني أيرب البوتوكس وفعلا ماقصرت سويه لي واستانست فالنتيجة لكن لاتظنون إنه وايد بيكثف لا بيعطيه بس حجم زيادة يعني أنا سألت راعية الصالون كيف بيكثف الشعر يعني بيزيد عدده !!! قالتلي لا يزيد حجم الشعرة يعني تستوي الشعرة الوحدة بحجم ثلاث شعرات وجيه بيزيد الحجم
وأكثر شي لاحظته هو النفشة إلي اختفت ولين الحين مارجعت والحمدلله والحجم حلو أحسن عن أول وريلي لاحظ هالشي لنه جان دوم يقولي اونه يتمصخر اشحالها القرعة لكنه الحين خلاص نسى القرعة الف حمد وشكر لك يارب
لكن يقولكم شي هالبوتوكس شغله ياخذ وقت طويل طريقته مختلفة شوية عن الكراتين العادي عسب جيه حبيت أنبهكم بابنات إلي بتسير بتسويه وعندها عيال أو إلتزامات لازمن تحسب حسابها فالوقت … أتمنى أكون قدمت شي مفيد لكم خواتي وإلي حابة تستفسر عن أي شي حياها

انا كنت افكر اسوي بس كنت ابا حد يخبرني عن تجربته ،، تسلمين يا ختيه ^^

اختي اخاف من هعالابر خاصه ف صوالين … لازم اروح متشفى او عيادة
اهم شي انج حصلتي لي تبينه وبالتوفيق

الله يسلمج حبيبتي وإنتي بعد يوم بتسويه خبرينا تيربتج

إبر !!!!!!!!!!!!!
إبر شوووووووووووووو
يالطيبة هاذا كراتين بوتوكس حق الشعر مب حق البشرة

تسلمين حبيبتي خبريني
يستوي سايح الشعر مع لمعه ولا يحتاي استشوار
ههه
خبريني امم اي صالون +سعر+ جلسه وحده+ معاه شامبو وبلسم

سوري ماكنت متابعه لج من قبل

الله يهنيج بالنتيجه يارب ويبارج لج يارب

سبحان الله وبحمده سبحان الله العظيم

أيوا حبيبتي يستوي سايح مايحتاي سيشوار أبدا ومعاه شامبو وبلسم
سويته فصالون غاردينيا إلي عدال مستشفى النور بيلسة وحدة لكن أخذ وقت أطول عن الكراتين العادي لني مسوية عندهم من قبل الكراتين العلاجي بالكاكاو
ونصيحة لوتبين تسوينه لازمن يكون شعرج خفييييييييييييف عسب تنبان النتيجة فيه