اسم العملية هذي بالانجليزي Colon Hydrotherapy
تنظيف القولون ممكن تسوين سيرج وتقرين اكثر عن الموضوع
حبيت افيدكم اول شيء باماكن تنظيف القولون في دبي لاني كنت ادور وللاسف ماحصلت بس الحمدالله اخيراً حصلت 3 اماكن وسرت اليوم واعتقد انه افضلهم …
كانت عبارة عن جلسة استشارة مع الدكتورة المختصه .. وتسالج عن وايد اشياء تخص حياتج .. وعقبها تبدى تشرح لج عن موضوع الغسيل وكيف يتم وشو فوايده .. وبعدها تقولوج كم جلسه تحتاجين يعني كل انشان حسب حالته .. انا قالت لي تحتاجين 4 جلسات .. وكانت اليوم اول وحده ..
الصراحه كون الموضوع محرج ومثل ماسمعت من بعض الناس انه يضحك او الانسان صعب يتكلم عنه لقيت انه موضوع عادي وغير محرج يمكن لانه الدكتورة حبوبه وتحسسج بانه الموضوع عادي عشان جذه كنت وايد مرتاحه
المركز مختلط ولكن يحترمون عاداتج ويخصصون لج مكان خاص فيج بدون ما يحرجونج او يستغربون من طلبج بالعكس ممكن يساعدونج والحمدالله هذا اللي حسيته …
دخلت وعطتني لبس خاص اندر وير ( هاف ) خاص لانها عقب ماتطلب تنزلينه لا تفتح فيه فتحه وخلاص … وطبعاً تكون ملحفتنج طول فترة العلاج … واللي تسويه لج هي الدكتورة ومعها مساعدتها
ايبت بيبين واحد لضخ الماء والثاني للفضالات وانتوا بكرامه … وخلال الجلسه تشوفين كل شيء وقبل لاتبدين تخليج تشربين اعشاب في كوب صغير وبعدين قبل لاتبدى تعطيج دواء للغازات ملعقة صغيرة .. وملعقة لمساعدة القولون …
بعد ماتحط البيب <<< لاحد يسال لاني صدق استحيت بس الحمدالله
تبدى تسوي مساج خفيف لبطنج وتشغل ضخ الماء لفترة وعقب دقيقتين تفرغ بطنج وهذا يتم لمدة 30 دقيقة تشوفين بلاوي وتناقشج وهي تشوف البلاوي اللي تطلع وتقولج شو تشوف وشو الاسباب وهذا اللي ريحني لانه الفواكه ابد ماتنهضم عندي .. وعللت لي الموضوع بانه قولوني تعبان وعشان جذه الفواكه تاخذ وقت الين تنهضم …
الدكتورة مسلمة والحمدالله اللي الله يسر لي الامور وخلصت اول جلسة ..
المكان اسمه
Breath & Health Alternative Medical Centre
بريث اند هيلث للطب البديل
شارع الوصل – بالقرب من شويترام الصغير في جميرا 5 في نفس الشارع وهو للجنسين بس كل شغلج يتم بشكل خاص وهذا وايد مريح
مركز دبي للاعشاب والمعالجة
Dubai Herbal & Treatment Centre
NMC
New Medical Centre Hospital, Dubai
في دبي ، الشارقة ، ابوظبي
اي اسئلة انا حاضرة … ؟؟
ملاحظة : تحسين بتعب شوي الافضل انج عقب ماتسوين الجلسه تسيرين البيت وترتاحين وتشربين اشياء دافية وسلطات وعصاير طبيعية ما عدا اليمون والبرتقال لمدة 3 ايام …
طالبتكم اي وحده استفادت صدق انها بس تدعي لي انه اللي يوفقني ويسعدني مع زوجي وايسر امري
حتى لو ماردت .. ادعوا لي بس
up
up
up
up
بس الصراحه الموضوع وااايد محرج بالنسبه لي لكن للضروره احكام وما تشوفين شر ..
بس الغاليه احس الحلول او السنا يؤدي نفس الغرض ترا هو لغسيل القولون والرسول حثنا عليه انا اعتقد انه نفس الشي والا غير ؟
بس بسألج هل بروحها تنزل الفضلات من دون ارادتج والا انتي تتحكمين؟
والله يسر امورج
مشكوره على التجربه لاني اعاني من القولون
وتعالجت الحمد لله بس من اعصب شوي يرد يتشنج
بس من شرات قبل العلاج
وانا اربع وعشرين ساعه معصبه ههه عافانا الله
الغاليه شو حسيتي عقب التنظيف انا قاريه من فتره عن هالموضوع وحتى قلت للدكتوره
اذا احتاجها يسمونها الحقنه الشرجيه
بس قالت لا اول تعالجي
عقب العلاج احس الحمد لله احسن عن قبل قبل لا ليلي ليل ولا نهاري نهار
بس احس اني شوية مشاكل ويا القولون ما زالت اذا انتي مريضة بالقولون بتعرفين مشاكل القولون
وبغيت اعرف هالطريقه تعتبر علاج نهائي للقولون
بغيت الغاليه اسم الدكتوره ورقم المركز ويزاج الله خير وبار ك الله فيج ووفقج دنيا وآخره يارب