هلا بنات اليوم حبيت اخبركم عن تجربتي عن صابون اغادير
اول بقولكم سالفتي الله يسلمكم انا من حملت في بنتي ويهي بدى يحبب
ويبقع الله لا يوريكم وبعدين حملت في الثاني والمشكلة زادت عندي
صارلي ثلاث سنين ما شفت ويهي صافي كله مبقع والي يشوفني ينصدم في ويهي
يقولون انتي يوم كنتي بنت عمرج ما طلعلج حبوب وويهج صافي
من فترة سرت السوق ودخلت محل العطارين وقلت حق الريال ابي شي حق ويهي
عطاني بكل ثقة صابون اغادير وكريمه وانا خذته بس ما كنت واثقة بس ثقة الريال كانت عجيبة
قالي في ثلاث ايا بتحسين بالفرق ولو ما حسيتي بالفرق رديلي وانا برد فلوسج وانا تحمست
وبديت اول ثلاث ايام متحمسة وصج لاحضت الفرق بعدين ودرت الكريم بس الصابون في اليوم مرة
واحيانا في الاسبوع ثلاث او 4 مرات والحين صارلي 3 اسابيع ومو مصدقة صج ويهي صاااااااافي
رووووعة الحمد الله والكل لاحظ الفرق ويقولي شو مسوية منورة وويهج صفا صج غير الصابون
ويهي 180 درجة الحمد الله
وبسسسسس هذي تجربتي مع الصابون وان شاء الله اكون افدتكم
بس انا بشرتي المشكله حساسه ما تتحمل اي شي
والحمدلله انه فاادج …
بس انا بشرتي حساسه … ممكن اتقولين لنا شو نوع بشرتج ؟؟
سويت سيرج ع الصابونه .. ابعرف شكلها .. بس طلع لي اكثر عن نووع
ف ممكن اتحطين لنا صوورته ؟؟
وبكم خذتيها ..ممكن تفيدينا
يبالنه نجربها