تخطى إلى المحتوى
الرئيسية » تجربتي مع خلطة ماسك الجرجير والصبار .. حل مثالي لتساقط الشعر !!! لبشرة ناعمة

تجربتي مع خلطة ماسك الجرجير والصبار .. حل مثالي لتساقط الشعر !!! لبشرة ناعمة

  • بواسطة

السلام عليكم ورحمة الله وبركاته

مرحبا خواتي الغاليات ، من كمن يوم سويتلي خلطة ماسك الجرجير والصبار
حلوووة وايد وسهلة

طبعاً يتني فترة أهملت شعرية ومن الناحية الثانية مهتمة في جسمي وايد
وياني هوس عالتنظيف والتفتيح

المهم …

سمعت عن هالماسك وشفت التاجرات يسوونه بعد وقلت بسويييه وما يكلفني واااايد
بس اللهم أحتاي المكونات وبس .. طبعاً ترومون تستخدمون زيوت ثانية على هواكم
مثل زيت فيتامين اي أو الخروع .. أنا كنت أبا أضيف الخروع بس خلص عندي

{فوايدها روووعة خصوصاً الصبار فوايده عظيمة وعناصره عدة مثل الفيتامينات ، والمعادن مثل الصوديوم والمغنسيوم والبروتينات والأحماض الأمينية والزنك، طبعاً فايدة الخلطة تقوي البصيلات، وتخفف التساقط، وتغذي الشعر وتعطيه حيوية وجمال ولمعان ونعومة وغير فوايد زيت الحبة السودة اللي بنستخدمها فالخلطة}

المكونات:

صبار الطويل – ربطة جرجير – زيت الزيتون – زيت الحبة السودة – زيت اللوز المر – حلبة
– عصرة ليمون

طريقة عمل الماسك:

تقصين لج ثلاث أو أربع من الصبار وتغسلينهم عدل
وعقب قطعيه قطع قطع في ناس يحبون يطلعون الجل ماله بس
عني أنا عقيته كله فالخلاط هههههه

وعقبها قصيت ربطة الجرجير وضفت زيت الزيتون
وعقبها زيت الحبة السودة و زيت اللوز المر وفورت الحلبة
وعقبها حطيت كل هالمكونات فالخلاطة ومع عصرة ليمون

على فكرة فالبداية يمكن الخلاطة ما بتخلط بتقولين يباله ماي بس أنا أقولج
يباله زيوت يعني ضيفي الزيوت المذكورة زيادة وبس

صح شيء ناس تبا فايدة زيادة مثلا يحطون زيت الثوم أو فص ثوم صغيرة
أنا عني ماحطيت لأن ريحة الثوم تعلق فالشعر لفترة طويلة وهاي تجربتي عاد
ماعرف كيف شعوركم

وبعد ترومون تضيفون أفوكادو فوايده روووعة وللأسف ماكان متوفر عندي
فقلت المرة الياية بضيفه في خلطتية

ونفس الشيء ترومون تضيفون خلاصة البابونج يعطيج لمعة للشعر

على فكرة الليمون اللي الي استخدمناه زين للقشرة ومضاد للأكسدة
فـ عادي بتحسوون بحجة شوي

عقبها تحطون الخلطة في أي علبة بلاستيك أو غرشة زجاج وتخلونها فالثلاجة واليوم الثاني استخدميها
على شعرج وخليه لمدة 3 ساعات عني أنا رقدت فيه
لأن فيه زيووت قلت أبا شعري يتشربه وبس والله هاي الخلطة الجميلة

ها الشكل النهائي للخلطة اللي سويتها شوفن لونها كيف

واسمحلي ماصورت الطريقة بالتفصيل بس بإذن الله بصور قريب

أنا ما أبدع إلا يوم أكون عند يدتية ههههههه

،

إن شاء الله أكون افدتكن حبيبات البي

السلام عليكم ورحمة الله و بركاته
ما شاء الله تبارك الرحمن غناتي فاطمة
منورة القسم ،،،، عيبتنيه الخلطة بس عاد المشكلة الي شعرها
دهني ينفع لها هالخلطة و الا لا ?
هاتي منه شوي حق لطوفه بنتي بجربه على شعرها ،،،

اقتباس المشاركة الأصلية كتبت بواسطة munamoor مشاهدة المشاركة
السلام عليكم ورحمة الله و بركاته
ما شاء الله تبارك الرحمن غناتي فاطمة
منورة القسم ،،،، عيبتنيه الخلطة بس عاد المشكلة الي شعرها
دهني ينفع لها هالخلطة و الا لا ?
هاتي منه شوي حق لطوفه بنتي بجربه على شعرها ،،،

وعليكم السلام ورحمة الله وبركاته

النور نورج حبيبتي ، يناسب طبعاً بس حطيه ع شعر نظيف مغسول
، سويييلج وعن العيازة

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

يزززاج الله خير على هالماسك العجيب

اقتباس المشاركة الأصلية كتبت بواسطة غرووب 22 مشاهدة المشاركة
سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

يزاج الله خير عالتذكير ، منورة

اقتباس المشاركة الأصلية كتبت بواسطة أبل7 مشاهدة المشاركة
يزززاج الله خير على هالماسك العجيب

آمين ويجزيج يارب …

هيه والله الماسك وايد عجيب أمس حطيته ع شعري
ومستوي ناااااااااعم وايد

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.