طبعا فالبداية ماكنت مصدقة هالامور
بس دام شي طبيعي احب اجرب ’ لو مافادني مابيضرني
خذته وجربته لمدة يومين حاليا
الصراحة شي جمييل وينفع للمتزوجات بدل لا تحاتي ان لوون حلجها مب شي لما تنش من رقادها وجي
المهم / هذي هي المكونات
قطن – ماي ورد – بودرة دم الغزال – فازلين – علبه
حطيت فالعلبه فازلين وشووي من بودرة دم الغزال وخلطته
قبل لا ارقد انظف ويهي بـ ملح وزيت زيتون واذ تعايزت بسنفرة
وشفاتي بسكر وزيت زيتون .. اهم شي يعني نسوي تقشير لو ع الخفيف
عقب اييب قطن مغموسة ف ماي ورد وامش به ويهي مع شفاتي وعيوني المهم في كللل حته
واكثر منه لين ماينشف
ومن ثم ادهن شفاتي من العلبه ( الفازلين والبودرة )
وارقددددد طبعا خويتكم من الحماااس اول ماسوت جي رقدت بدري والمرايه حذالها <– ماشي مجااال
وواعيه 4 الفير حددددها متحممممممسه تبا تجوف النتيجة
شفااااتي ورديااااات طبييييييعيييييييي ولو انه فاتح ’ غسلت ويهي وغسلت اسناني ولا خاز
ثاني يوم قلت بجرب الحركة الثانيه
<– لازال الحماس يرقدها بدري
حطيت في مرش ماي ورد وشوي بودرة وخضيته خض اليهددد
ومع الحركة القبلانيه رشيت ويهي كم رشه
الفير اخويه يدق علي الباب عسبة الصلاه من فجيت الباب يقول حشاااااااااا راقده بمكياجها عسبة تجوف عمرها في الحلم حلوووة
انا دوروووونييييييييييي مع شقة الحلج الي من اذني اليمين للشمال 
وردلي خدودي وللعلم انا بيضا بس لما غسلت ويهي راح بس ف شفاتي يتم خفيف
حبيت عمري وايد لما ارقد ولما انش ^____________________^
بدل ماتحول كل يوم مومياء خخخخخخخخخخخخخخخخخخخخخ
وفي كم خلطة بجربهن هالويكند
1
ملعقه صغيره حلبه مطحونه +قليل من العكر الفاسي +بيضه = لنص ساعه
هذي لنضارة البشرة من التعب
2
نص ملعقه كركم + 3ملاعق زبادي + ملعقة عسل = لنص ساعه
عقب تمسحون الويه بماي ورد وبودرة دم الغزال
هذي لتفتيح البشرة
وشسمه من باجر باذن الله ببتدي ادهن عمري عند الخطوط بزبدة شيا لمدة شهر وبجوف اذ نفع له وخف او لا , لاني ادهنها حاليا لريولي لعند الركبه وايديني لعند الاكواع والاحساس كوول وترطب
وبثثثثثثثثثث
اللي تعرف بلييز تخبرني اريد الاصلي مش التقليد