من فتره طويله وانا اسمع عن العلاج الحراري الطبيعي سيراجيم
وكنت حابه اني اجربه و لكن ظروف الوقت و الدراسه و الدوام أخرتني شوي
مع زيادة الضغوطات عندي و آلام الظهر قررت اني اجرب هالشي بأسرع وقت
هذي صوره للسرير و الجهاز اللي يستخدم في هالعلاج ..
بخبركم عن تجربتي ويا هالجهاز ..
رحت أمس العياده اللي موجوده في الملابلازا
وكنت متحمسه وايد لووول 
اول ماوصلت عطوني رقم للسرير وبطاقه اسجل فيها زياراتي
طبعا الفئة الأغلبيه هناك هي من الهند و باكستان 
دايما يعرفون وين يسيرون لوووول
المهم يلسنا تقريبا 5 دقايق و كان في واحد يتكلم عن الجهاز و شو فوائده
بعدها دخلنا الغرفه الخاصه بالسيدات
فيها تقريبا 20 سرير و كل وحده تيلس على السرير مالها
ويبدا الجهاز بالعمل لمدة 45 دقيقه تقريبا
وبما اني اسير اول مره يتني بنيه طيووووبه
تكلمت وياي وخذت بياناتي
وسألتني انا من شو اعاني
قلتلها كل شي خخخخخ الظهر الجسم الشعر الصداع .. كل شي 
وبعطيكم بعض المعلومات اللي خذتها منها
ومعلومات عن عمل الجهاز
جهاز طورته شركة كورية وهذا الجهاز يعمل بالآشعة تحت الحمراء كمساج على العمود الفقري
من فوائده المساعدة بتصحيح العمود الفقري ، الام الظهر والرقبه ، علاج الصداع النصفي ، حالات الربو ، بعض حالات شلل الاطفال ، تنشيط الدورة الدموية ، السكري ، ضغط الدم ، الام المفاصل ، الروماتيزم ، اوجاع الركبه ، تدفق الاكسجين والغذاء وطرد السموم .
كما يفيد في تنشيط الجهاز العصبي ، التخلص من الخمول والكسل ، ودوار الراس ، وازالة التوتر والشد العضلي ، ويعمل للاسترخاء الذهني والجسدي .
ويفيد في علاج الفقرات العجزية والقطنية – ضبط السكر والضغط مساعدة الجسم علي التخلص من الدهون الزائدة . علاج الام المعدة والقاولون – علاج البوتسير والشرخ الشرجي
[IMG]https://files.*******.com/2017/2/1265907057.gif[/IMG]
عني انا جربته امس وفعلا ما ابالغ حسيت براحه من اول مره
و ان شاء الله بستمر عليه شهر كامل 
الزياره مجانيه و تقدرين تسيرين قد ماتبين وما بتدفعين ولا درهم
هذا موقعهم اذا حابين تقرون عنه اكثر
حبيت اطرحلكم هالموضوع عشان تستفيدون
نحن المواطنين دايما نروح للعيادات الخاصه و ندفع مبالغ عشان نتعالج
وما نعرف عن الأشيا اللي في صالحنا
عشان جي الجالية الهنديه و البكستانيه كانت كثيره هناك
استفيدوا منه دامه مجاني
(=
.
.
.