أمسات دخلت العيادة و قلت للنيرس ابغي اسوي تقشير الماسي او كرستال
عاد تعرفون العيد جريب
و قلت ابغي شي يغيرني
و العيوب اللي فيني هي مسام بسيطة جدا لا تذكر + بقع خفيفة
طبعا التقشير الماسي و الكرستال ما يضر ابدا
حتى الحامل تقدر تسويه لاني جفت حوامل يسونه
اصلا يسمونه "فيشل" بدل التقشير لانه ما يقشر بالصورة اللي نتخيلها
اللهم تنظيف للبشرة و يشيل كل الوصاخة اللي فيها من روؤس سوداء و تراكمات للدهون
بديت و سوت لي تقشير الكرستال و عقب ما خلصت جربت لي التقشير الماسي
الكرستال يكون فيه بودره في الجهاز يقشر الويه و تحسين كانه شي يشفط ويهج ++ ماده مثل الرمل ع ويهج
اما الماسي مجرد جهاز بدون بودرة تحسين كأنه شي يشفط ويهج
خلصت اول جلسة حسيت ويهي استوى احمممممممممر وعقب حطت لي كريم للحساسية
و قالت لو تم الاحمرار و الحكة حطي فيسودين A
قبل لا تنامين حطي مررررررررررررطب و الصبح نفس الشي مرطب
لين ما رجعت البيت رد ويهي طبيعي بس حسيت بعدها الحكة موجودة
النتيجة من أول جلسة : احس بشرتي صارت ناعمة مجرد الملمس الناعم 
بعد ما خلصت النيرس من الجلسة ، فتحت لي انبوب الجهاز و راوتني نقط سوداء مخلوطة بحبات تقشير الكرستال ( لون تقشير الكرستال ابيض) ف يعني معظم الرؤوس السوداء و التراكمات راحوا من ويهي
بس كنتيجة ملحوظة ما جفت شي لين الحين
ثاني جلسة : قالت لي بعد اسبوعين
قررت اخليه بديل للفيشل بشكل مؤقت
يعني ما بسوي فيشل ولا تنظيف ف العيادات و الصوالين و السبا
و بكتفي بتقشير الكرستال او الماس كبديل للفيشل لين ما القى نتيجة حلوة
و ينفع للي بشرتهم فيها بقع خفيفة او متوسطة اما اللي عندهم حفر عميقة ما تنفع لهم ابدا
و ان شاء الله بخبركم شو النتائج بعد الجلسة الثانية
انا اسويه بين فتر و فتره في كوزموسيرج ووايد حلوه النتيجه بعد..الحمدلله
آللي قلتي عنه رمل 
وكثرته مضر للبشره ومن يومها زغت آسويه ..,،
وعآد مآ يندرى صج والا لا 
بس بغيت اسالج فيه الم ؟؟ انا مسويه من فتره طويله و صراحه كان واايد يعور يمكن لانه انا حساسه وماتذكر بالضبط اي نوع بس كان تقشير في عياده ..
بس كان من اول جلسه مب اوكي
يمكن العياده كانت تعبانه
رغم انها عياده لمعالجه مشهوره عندنا في العين وتطلع في التلفزيون
بس حسيتها خربشت بشرتي بس!