حابة اكتب لكم تجربتي بفندق قمر الدين بدبي
انا حجزت فيه عن طريق موقع booking لعيد ميلاد زوجي
السعر كان 885 شامل الافطار فتشجعت وحجزت
المهم اول ما وصلنا تفاجانا يقولون ادفعوا 1099 اونة الاسعار تغيرت
انقهرررررت عديتها وقلت ماععليه لزوم نستانس
المهم الغرفة الله لا يرويكم اثاث قديم وسرير ابدا مش حلو ولا مريح
والمكيف خربان ومافي اداوات الحمام زي معجون الاسنان والصابون والمحارم الورقية وسشوار الشعر
واليوم الثاني لما رحنا نتريق حجزت طاولة ورحت اييب ريوق انا وزوجي ولما ردينا لطاولتنا تفاجأت بالهندي يقولي الاجنبي بيجلس على الطاولة
قلت له هذي خاصة فينا وحاجزينها وحاطة عليها الجريدة بعد
ماطاع قام بيضاربنا لعيون الاجنبي
انقهررررررررررررت
ونسيت اخبركم الحمام مكشوف على الغرفة مية بالمية يعني مش مغطى ومبين كل شيء
نصيحة مني لا تروحون لهالفندق وترا والله بدبي فنادق احلى بكثييييير من هالفندق
صح غرفهم صغيره والحمام مكشوف بس اتوقع شي ستاره
انا ارتاح في فندق المنزل اكثر مع انه نفس الاستايل تقريبا
وحتى اول ماوصلنا ضيفونا
والغرفة صغيرونه بس حلو استايلها
وعلى الحمام هي هو شفاف بالكامل ومافيه ستاره اصلن ><
وبالعكس شيء شامبو وبودي لوشن وصابون وهالسوالف كلها موجوده وغير الميني بار ..
اسميني مقهورة منهم للحين
قدمت شكوى لهم
انا مجربته ما لقيت شي سلبي
يمكن الزياده بسبت التاكس يعني الضريبه
ويمكن ع حظج نسوا يحطون ادوات الحمام مستحيل فندق ما يحط حتى الفنادق الي مش هاك الزود يحطون .. جان خبرتيهم حزتها ..
وعن الاجنبي لا تعلييق يستاهلون اكثر من الشكوى على هالسالفة .. بس من يشوفون اي اجنبي حطوه ع راسهم حتى لو شلاعة الدنيا فيه ما تفرق وياهم المهم اجنبي