بنات بخصوص وصفة تتطويل الرموش بزيت الخروع
أنا أحذركم من هالوصفة لأني جربتها وكانت عيني بتروح ( ادعولي بس الله يحفظ عيوني وبصري لول)
القصة ومافيها اني من فترة قريت عن وصفة تطويل الرموش بالخروع
وسويت نفس الطريقة فضيت علبة الماسكرا وغسلتها زين وعبيتها زيت الخروع
وقبل لا ارقد بشششششوي
مسحت مسحه خفيفة حتى شكيت اني حطيت اصلا زيت ع رموشي لأني بس حطيت مسسسسحة خفيفة جدا..و حتى وانا امسح ع رموشي نشفت رموشي مرة ثانية عسب ما يتسرب لعيني …
المفاجأة ,,,,,,,,,,,,,
نشيت الصبح ومب قادرة افتح عيني بسهولة كأن حد ميود عضلات عيني
وصايرة جفوني ثقاااااااال ركضت الحمام عزكم الله اغسل عيوني … وانا خايفة
وتميت على هالحال يومين …
والحمد لله بعدها ردت عيني طبيعية ..
رجعت ادور في النت عن مضار زيت الخروع للعين
وقريت عن تجارب بعض البنات وان وحده صابها مثل الحول بسبة الزيت
انا ما ادش النت وايد بس لأني مابا اللي صار لي يصير ل غيري
حبيت اخبركن وأحذركن من هالوصفة …
نصيحــــــــــــــــــــــــــــة :
لا اتطبقين أي وصفة على نفسج قبل ما تقرين مضار المكونات
والله يحفظكم جميعا
سبحان الله حتى انا يوم سويتها هالوصفة ما ارتحت لها
حتى يوم الصبح اقوم عيوني ما اروم ابطلهن كانه وحده نعسانه والله
وانا على بالي انه عيني ما تتقبل الخروع هههههه
مشكوورة اختي
سبحان الله انا قريت هالوصفة من زماآن في النت و فكرت اسويها بس اترددت لان العين مكان حساس و الحمدلله اني ما سويتها !
تسلميين على التحذير ويزاج الله خير
ومشكوره يا الغاليه