خواتي … بخبركم سالفة ربيعتي ويا السمنة … كنت بنزلها من فترة
يحليلها الله عاطنها ضخامة مب طبيعية وطول فظييع ….. يعني تنفع تكون لاعبة سلة ماشاء الله عليها
بس المشكلة انه وزنها شي في التسعين … والناس ماخلوها لحالها …
فيوم عزمت انها تضعف .. سارت مركز تيوترشن … وخذت حمية وكريمات وشورت تخسيس لمدة 6
شهور …
توكلت على الله وبدت الحمية
اتخيلوا بس فالشهر الاول نزلت 11 كيلو !!!!
انصدمت بصراحة يوم شفتها … شكلها متغير جانها مريضة تعبانة … بصراحة شكيت فالسالفة ويهها اصفر ليمون … والمشية مب متوازنة …. وتتعب بسرعة
ويوم اسألها اتقول انا بخير وهذا من تأثير الحمية … وشو تاكل ؟؟؟ والله انكم بتستغربون منها ّّّ!ّ!!
الريوق خبز ويا نص جبن لايكون فيه ملح ولا دهون بس… الغدا سلطة …….. العشا تفاحة بس!!!!!!!
ويحليلها صابرة على المر تتريا النتيجة ..
المهم خطف الشهر الثاني ونفس الشي ينزل وزنها بشكل سريع ينزل وايد مب شوي 5 -6 كيلو … وكل ما تراجع يعاتبونها ليش وزنها ماينزل اكثر من جذي ..!!!!!
وهي فالشهر الثالث … ويم هي مداومة فجأة طاحت مغمي عليها … يوم تلاحقت بعمرها عالمستشفى وطلعت نتيجة الفحوصات …المفاجأة طلع الدم نازل عندها وايييد اتخيلوا بس6 !!!!!!!!!!!!!! وعندها انيميا حادة !!!!!!!!!!
تمت اتصيح وودرت تيوترشن وخرابيطهم … وردت صحتها نفس قبل طبيعة والحمدلله ..
بعدها …ما تابت عن اللي تسويه ..!!!!
وحدة مدحت لها مركز اعشاب وخلطات طبيعية – على قولتها مابتضرها … سارت لهم ونفس الشي عطوها من الخير واييييد … حمية واعشاب تخسيس وكريم وحبوب …
المهم …
كملت اسبوع ومع المشي طبعا ونزلت 3 كيلو … وهي تدخل فالاسبوع الثاني ( طبعا تاكل الحمية من غير اعشاب التخسيس والكريم اللي تحطه بالليل عسب يذوب الدهون) …..نفس الحالة طاحت مغمى عليها مرة ثانية ………. والنتيجة بعد الفحوصات فقر دم حاد !!! ونقص فالحديد !!!!!!!!
وفوق هذا طلعت لها حساسية فظيعة فجسمها جانها محترقة … ماتقدر تتحرك منها بسبة الكريم !!!!!!!!!!
وبعد المهازب ودرته … بس لين يومكم هذا وهي تعاني من الانيميا والحساسية …
نصحتها تسير نادي رياضة ابرك وبسرعة بينزل وزنها … وشكلها حطت الفكرة فبالها … بس ياخوفي اتسير اتجرب شي ثاني … الله يستر
هذي تجربة ربيعتي … واتمنى الكل يتحذر من هالكريمات والجمية والاعشاب وهالخرابيط لانه احسها جذب * جذب …اللي تبى تضعف اتسوي رياضة احسن وأأمن لها …
وبالتوفيج للكل …
الله يقومها بالسلامه ان شاء الله
زين سويتي انج نصحيتيها بس عاد شوفي عن تروح تجرب شي ثاني من وراج
ماشي احسن من التخفيف والمشي والرياضه
عن تجربه ^^
وربي يوفقها وسلمي لي عليها
والله خلكم على وزنكم احسن وارضوا مثل ما انتوا ..
ربيعتي امسات طايحة في المستشفى بسبة الممنوعات ..هي بعد شوي متينة بس منعوا عنها وايد آكلات …
غمضتني والله …
خليها تتحمل بعمرها هالامور ما منهم فايدة .. وهالمراكز كلها ماديه ولو ما يسوون جي ما بيربحون شي
وانا جربت وذقت المر .. وياليت اكتملت الفرحة ..
يادوب دامت شهرين وعقب " ردت حليمه لعادتها الجديمه " وجني ولا نزلت كيلو !
الله المستعان بس
ديري بالج عليها وشجعيها وان شاء الله ربي يحقق مرادها .. ^^
احسن لها تسوي رياضة وتخفف …
الله يعينها
وانا عن نيوترشن تراه هووه جييه رجييمه قااسي واحيانا في بعض المراكز ما يرضوون انا جربت عندهم,.,,
ما يطييع عقب ودرته والحمدالله بعدني بصحه وعاافيه صح استوا عندي انيما بس تلاحقت ع عمري والحمدالله ^^,,,
مع اني قلت لها انا عندي فقر دم وجذه طنش بس الحمدالله ع كل حال
سبحان الله