تبين تبدعين في مطبخج وتتميزين وتوفرين الوقت والجهد حيآآج + آراء البنات للتعامل مع العاملات

مرحبا الغاليه..

السموحه اختي اتأخرت عليج فالرد

الأغراض وصلن من 3 ايام.. عيبني بوكس الساعات ..

وبالنسبه لجهاز ال The MaGic Bullet

الصراحه استانست عليه وضميته الى عائلته من الاجهزه فمطبخي>>حسيت انه الاجهزه غاروا منه لانه هو عنده عيال وايد ( ملحقاته) ^ـــ^

كلمه روعه اشويه عليه بالنسبة لسعره,, ^ـــ* وراح اصورلج يوم بفضى الاشياء اللي بسويها فيه

ومشكوره على الماسك ||+ الادعيه ( جعله في ميزان حسناتج)

ربي ايوفقج

بحفظ الرحمن

هلا وغلا حبيبتي ^_^

اسمحيلي فديتج لأني تأخرت بالرد عليج،،

والله كل مره اقول بطرش لها مسج اتشكرها عالجهاز والهدية الغاوية وكل مره انشغل بشي،،

وهذي انا احينه تفيجت والله متلومه لأني تأخرت عليج ^^

وهذا راي بالجهاز،،

الجهاز ماشاء الله عليه كلمة روعه شويه عليه،، وانا استخدمه حق اكل البيبي وايد فنان صراحة،، أحلى ما فيه اني اروم ابطله حبه حبه حبه يوم أغسله ^^

وتسلمين فديتج عالهدية الغاوية مثلج استانست عليها يعلها فميزان حسناتج يارب،،

وإن شاء ما راح يكون آخر تواصل بينا يمكن اتييني تصنيفه واطلب جهاز ثاني عـ جدام ^____^

والسموحه فديتج عالقصور،،

ربي يبارك لج فـ تجارتج

مررررحباا .. فدييييتج .. هاي ثانية مرة اشتري من عندج شي مميز وفنتك

من عقب المكنسة الفنانة .. خذيت الخلاط العجيب .. وماشاءالله طلبته ووصلني عقبها بيوم .. واستانست عليه وايد

وااايد فنان حق الاستخدام الشخصي .. وحق اليهالوو اللي يحبووون يتعبثون ويخبصووون شراااتي هيهيهيهي

ويلست ماماتي وباباتي .. قلتلهم اي عصير فخاطركم .. ماماتي بغت عصير تفاح .. وعصرتلها اياه ف ثواني وعيبها

وسويت حق بابا عصير موز بالحليب بالعسل .. والحمدلله ان عيبه .. والكل تخبل عليها .. وقلت ان شاءالله كل مرة بجرب شي والمرة الياية بسوي خلطااااتي اللي احبهم بهالخلاط ..

الحلو في هالخلاط انه عملي وصغنون .. مب مثل الخلاط الكبير الصراحة اتلعوز اذا بسوي قلاص عصير لانه اذا بحط كمية قليله حق قلاص صغنون ع قدي ماروم .. بس هذا عجييييييب والحلو فيه ان عقب ما اخلط ع طول افتحة واشرب من نفس القلاص ..

مشكورة الغالية ع المنتجات الذكية وهالشي شجعني اني ادخل المطبخ واتعلم اشياء اكثر بدون ما تروغني امي من

المطبخ هههه << متعقدة ما يخلوني اخبص ع كيفي

السلام عليكم

كيفك حبيبتي

اشكرك علي تواصلك معايا واهتمامك بأسئلتي والرد عليها بمنتهى الذوق

حبيت اقولك ان الطلبية وصلت بالسلامة ومفيش احلى من كدة

الماجيك بيوليت رااااااااااااااااااااائع مكنتش متخيلاه هيبقى كدة

والمكنسة جميلة

والاحلى القطاعة سهلة وعملية وكمان معاها سي دي بيوضح ازاي استفيد منها

الصراحة حجات كلها حلوة وكمان الاحلى امانتك واسعارك

كل اللي فيها عجبني وبالضبط زي الصور واحلى والاحلى منهم زوقك العالي والهدية الجميلة اللي جاية مع الطلبية فعلا لمساتك رقييييييييييييقة

ان شاء الله التعامل بينا يدوم ويكبر

تقبلي تحياتي

شخبارج الغاليه عساج طيبه بغيت منج

المنتج اليديد حق البصل والثوم وسلطة الفواكه

على نفس البيانات

الاسم *******

ومشكوره على منتجاتج الطيبه ونسيت اقولج جربت الجهاز

وسويت عصير طلع رووووووووووووعه تسلمين حبوبه

هلا حبوبة

السموحة ما رديت عليج،،

الجهاز رووووعة تسلمين،،

واااايد مريحني وقت الطبيخ،،

الجهاز اللي عندي اخترب وأسبوع كامل وأنا أعاني في تقصيص البصل و الخضرة..

والحمدلله حصلت الجهاز عندج..

مشكورة والله،،

أسعدني التعامل معاج

وربي يوفقج دنيا وآخرة

المعذرة لاني لم أخبرك بوصول الجهاز لانشغالي

جزاك الله خيرا على الجهاز وعلى الهدية-هذا من كرمك وحسن أخلاقك

زرت من ثلاث سنوات معرض لأدوات المطبخ في دبي وشفت عرض لهذا الجهاز وعجبني جداواشتريت لي ولاختي ولخالتي بس كان أغلى من جهازك -ومن فترة كانت خالتي تسأل عنه وفرحت جدا لما شفته في المنتدى وطبعا اشتريت لي ولأختي

جزاك الله خيرا على الأجهزة وعلى انك كنت السبب في بر خالتي

ومبارك عليكم المطر والرحمة

الغاليه بالعكس ماقصرتي لاني قبل طلبت اغراض وماكانت

مغلفه وكانت عيون المندوب

عليها

ان شاء الله ماكنت بطلب

الجهاز بس انا اتعبت من البصل والثوم وعيوني راحت ههههههه

واحب العصاير لفريش عسب جيه طلبته … وربي انج ذوق والتعامل

معاج اكثر من رائع ربي يحفظ ويخليج لعيالج وريلج واهلج ..

اشحالج الغلا رجعت لج ^^

بخبرج عن النايسر دايسر اختي جربتها ووايد تمدحها شوقتي اني استخدمها

…..

المهم يالغاليه ابي اطلب مش شي واحد ابي ثلاث اشياء خخخخخخ لحفه

ابي من Smart Spin

عدد 1

هذا الي فيه علب بلاستك احسه وايد عملي وينفع

وابي من المكنسه العجيبه
عدد 1

احسها تنفع يوم اليهال يوصخوووون ولا ايب المكنسه الكهربا هاي اسرع واخف ^^

وابي من Electric Mandoline Slicer

عدد واحد

وبس خليت شي خخخخخ

وبياناتي يالغاليه
…..
والسموحه غناتي

هلا الغالية

وصل المندوب الاغراض

مشكورة والله عالهدااااااااايا الحلوة

واختي انتي مطرشه وحده يديدة ثانية حقي؟؟؟؟؟؟؟

ليش الغالية مكلفه على عمرج

الصراحة اتلومت فيج واااااااايد

مادري شو اقولج والله

والسموحة

السلام عليكم

كيفك حبيبتي

اشكرك علي تواصلك معايا واهتمامك بأسئلتي والرد عليها بمنتهى الذوق

حبيت اقولك ان الطلبية وصلت بالسلامة ومفيش احلى من كدة

الماجيك بيوليت رااااااااااااااااااااائع مكنتش متخيلاه هيبقى كدة

والمكنسة جميلة

والاحلى القطاعة سهلة وعملية وكمان معاها سي دي بيوضح ازاي استفيد منها

الصراحة حجات كلها حلوة وكمان الاحلى امانتك واسعارك

كل اللي فيها عجبني وبالضبط زي الصور واحلى والاحلى منهم زوقك العالي والهدية الجميلة اللي جاية مع الطلبية فعلا لمساتك رقييييييييييييقة

ان شاء الله التعامل بينا يدوم ويكبر

تقبلي تحياتي