تبين بشرتج تصير صافيه وحلوة > طريقتي بتنظيف البشرة اكثر عن رائعة ومجربة لعلاج السمنة و النحافة

اليوم بخبركم على طريقة حلوة لتنظيف البشرة وهي مجربه مني انا وجدا جد بتحسين بتغيير على بشرتج من اول مرة و كل المكونات موجوده في المطبخ وسهله جدا وتناسب كل الاعمار

وطريقتي تناسب بعد حتى ذوات البشرة الحساسه

بس كم تعطوني قبل

بسم الله نبدأ

1 – ننظف البشرة بحليب الوجه ومتوفر بماركات كثيرة
واشهرها التجارية غارنيه او اولاي اونيفيا او او المهم مكتوب عليه حليب للوجه
تمررين قطنه على كامل الوجه مليانه بالحليب المنظف لين تتاكدين من نظافتها

2 – تبللين الوجه بقيل من الماي وتبدي بالسكراب الخاص بالوجه باطراف الاصابع ليتم تقشير البشره بطريقة لطيفه مب فرك قوي وعندج ماركه نيتروجينا وكلين اند كلير او غارنيه او ستيفز ومكتوب عليه مقشر الوجه

ملحوظه ( ممكن تسوين سكراب طبيعي بالبيت عبارة عن سكر وزيت زيتون وليمونه )

3- لا تغسلين السكراب وعرضي ويهج لجهاز البخار والي ما عندها الجهاز تحط في قدر صغير ماي حار مغلي ويفضل يكون مغلي معاه بابونج لانه يهدىء البشره ويفتحها بطريقه عجيبه مع الاستمرار وتتركين البخار لمده ليست بكثيرة وبس تخوزين ويهج وتنشفين بمحارم بالضغط الخفيف

4 – نضع هذا الماسك على الوجه عبارة روب ( زبادي ) وكمون مطحون وضيفي كميه كبيره يعني مقدار الروب يساوي مقدار الكمون وطبعا معروف انه يصفي البشره ويشيل عنها كل الشحوب ويعطيها صفاء جميل ( يترك الماسك مده ثلث ساعه )

5- ونيي للخطوه الاهم هاتي نص برتقاله وافركيها على ويهج على ماسك الروب بدون لا تزيلينه وظلي افركي واعصري عصارة البرتقال وافركي من الداخل طبعا مب من القشره لين تخلصين عصير النص برتقاله كامل وتتركين ويهج يرتاح مع الماس ربع ساعه

6- ألحين تزيلين الماسك بالاسنفجه شوي شوي ومب بدفاشه عشان البشره لا تطلع فيها خطوط وتجاعيد بسرعه وتنظفيها وبعدها تقدرين تستخدمين اي كريم مرطب للبشره او ممكن كبسوله فيتامين اي او كريم مفتح للبشره خفيف او ممكن قليل من نقاط زيت زيتون لشد البشرة

يفضل تنظيف البشره بالليل لان البشره بترتاح بالنوم والصبح بتلقين النتيجه الي تسرج

مرتين بالشهر مايضر تسوين هالتنظيف

والي بشرتها جدا تعبانه ومرهقه تبدأ فيه وتستمر كل اسبوع مرة لكن بدون البخار وباقي الطرق كلها تسويها وانا اضمن لج ترجع للبشرة صفاوتها ويروح البهتان وبتحسين بنعومتها ومثل الي ارتوت سبحان اببه

والي بشرتها بدت تطلع فيها خطوط او تجاعيد تبدأ تحط زيت زيتون قبل النوم قليل من النقط لانه يشد ويرطب حلايا البشره الداخليه

اتمنى استفدتو من موضوعي وهو عباره عن مجهود شخصي والهدف منه افاده خواتي