تباه بس المومة و الطفل

هلا بنات اليوم يالسه ويا بنت خالتي وطبعا باخذ رايكم في مشكلتها هي كانت متزوجه واحد الصراحه وايد كان يحبها بس مرات كانت تزخه يكلم بنات الله يهدي شبابنا المهم ما يابو عيال لانه العيب كان منه لازم يتعالج المهم عاشو اربع سنين مع بعض ةكانت وااايد تصير تدخلات من اهلها في حياتهم المهم مره انفجرة و طلبت الطلاق طبعا ريلها اول شي ما رضى بس بعد ما ضغطت عليه طلقها والله وهو يصيح تقول ما اعرف شو ياني يمكن الضغوط لي حواليها اثرة فيها المهم كملو سنه ونص وهو طلقها طلقه وحده المهم الحين حنو لبعض ويبون يرجعون لبعض بس هي خايفه لانه بعد ما طلقها حط في باله يسوي مشاريع مشروع بسيط نجح بس الثاني فشل فلحين هو عنده دين كبير في البنك واظن يصفاله 7000درهم من راتبه هو عريف اول المهم هو يبا يسكنها بشقه مع خواته لانهم يداومون في اماره ثانيه فهو وخوانه ماجرين شقه واسعه لانه ما لقو بيت بس هي بتكون غرفتها وحمامها روحه الحين هي ماتعرف تبا ترجع له لانها تحبه وهو والله يتمنا يرجعها بس خايفه من الدين لي حطه ع ظهره وهي كان خاطرها تسكن بروحها بس ما يقدر لانه خواته مساعدينه في اجار الشقه علاقة خواته وااايد زينه وياها بس هي خايفه شوي فشو تنصحونها

الله ايسر امورها ان شااء الله

اختي لا تنسين ان البنات اذا عطوج بيعطوج بس وجهة نظرهم لا اكثر ولا اقل ,, يمكن اتصيب ويمكن اتخيب .. عشان جذي خليها تتوكل على الله وتصلي استخاره وتكثر من الاستغفار لان من يتوكل على الله يجعل له مخرجا والله بيكتب لها الخير ان شاااء الله ,,,

السموحه ع القصور الغاليه ,,,

كن لله كما يريد ,,, يكن لك فوق ما تريد

والله غلايه لو اهيا تباه وهو يباها ،، الماده ما تكون عائق وهاذي مجرد شكليات في الحياه ، السعاده نحن نصنعها مش المال الي يصنعها لنا ، خليها تستخيري وتتوكل على الله وهيا لها القرار في نهايه ..

الله يوفقها وتتيسر امورها يااارب

المفروض تستخير … لان في هاي الحياة اهم شي الحب ..المادة هب مهمه

أتمنى من كل قلبي يرجعون لبعض

لو رجعوا لبعض مابيستمرون وايد
هذا مجرد حنين لان كان بينهم عشره
امورهم مب مستقره مثل مافهمت الريال يخونها في اوقات يعني هي مب اساسيه بحياته ممكن يبدلها بأي وحده
وثاني شي ماييب عيال وبيسكنها في شقه وراتبه شوي لو صبرت شهر مابتصبر الباجي

مافيها شئ ….. اتقول سوا مشروع وفشل فيه … الريال حاول حليله يشغل عمره بالمشاريع يعني ماسار خربط ولا شئ وهو بعده يباها …..تتوكل على الله ….وسالفه الدين مب شغله كبيره اذا هم ماعندهم عيال …بالعكس تصبر عليه وتصبره وتساعده وخواته مثل خواتها تستحملهم يعني شو بيضغطهاا ….