مرحبا خوااتي .
تابعتوا معاي تجربتي مع الكيراتين ..(1) على هذا الرابط …
https://forum.uaewomen.net/showthread.php?t=614212
اليوم طبعا الأحد 20-12-2017
كان موعدي مع صاحبة مركز التجميل بالفجيره وهي طبعا اللي سوت لي الكيراتين ..
طبعا سرت لها وكانت معاي تاجره معانا في المدونة ..
سوت لي فحص على شعري قالت والله شعرج فيه قشره هي السبب في جفاف شعرج وتساقطه وتمت تقلب وتفرك في شعري يمين ويسار على أساس أنها تقنعني بهالشيء …
أنا فعلا شفت قشره بس ما أقتنعت أنها السبب المباشر ,, المهم ..
وقالت لي لازم تغسلين شعرج بالخل في البيت وتعالي لي بعدها بسوي لج حمام زيت وبقص لج شعرج من الأطراف ..
ولازم تشترين من منتجات كادوس مره ثانية لكن هالمره راح تكون لعلاج الشعر وتكلفة المنتجات 400 درهم تقريبا ..
قلت لها بمشي على كلامج وبغسل شعري بالخل يمكن يفيد وبرجع لج مره ثانية أشتري المنتجات إذا فعلا راح تفيدني ..
خوااتي أنا الحين حايره ما أعرف شو الصح هل أستمر معاها ولا أطنشها وخلاص ..
أنا ما همني المبلغ إللي دفعته وإللي بدفعه على باقي المنتجات غير حمام الزيت اللي بتسويه لي والقص .
السالفه كلها هاتي فلوووووووووووس … همهم المادة وبس عفانا الله ..
نصيحه مني خوااتي لوجه الله ,,,
أعتنوا بشعوركم أنتوا بروحكم بحمامات الزيت وبس بدون كيراتين وغيره ..
وللحديث بقيه ….
وسلامتكم …
صدقها القشرة تطيح اشعر ووتقصفه
لكن انتي تقولين بعمرج ماعانيتي من اقشرة يمكن الكيراتين ماناسبج
شوفي اول شي غسلي شعرج بخ مثل ماقالت وبعد بماي مقراي فيه اقري بروحج اية الكرسي والمعوذات يمكن عين بعد
واتريي كم اسبوع ولاتسوين عندها شي
بنت اخوي صغيره وياحليلها شعرها مش حلو بالمره نفكر نسويلها عمرها 6 سنوان ونص يناسيها ولا؟
حاسه انه هو الصالون الي تتكلمي عنه ..
الله يسامحهم بس ><
صح عندهم الكيراتين بس مش الاصلي