خير بفضل الله سبحانه
ربي يسلمكم كان عندي موعد فالمستشفى
يوم الأثنين والي اهو موعد ولادتي والي يصادف تاريخ 19/3
كان فيني ألم تحت يروح ويرجع على الخفيف وجيكت على
وقالت فاتح واحدونص جان استانس وتحمست وقلت الحمدلله *
رحت امشي وامشي على البحر والممشى
وكل يوم تتصل فيني امايه ها ما تحسين بشي
اقول لها لا بس الم فالمثانه بس
وتسألني ما شي ويع فالبطن ولا الظهر؟؟
اقول لها لا لا لا
تقولي صدق وأنا عادي ريلاكس
وعلى اليوم الثاني الي اهو الثلاثاء 20/3
قمت من النوم وشفت نقطة دم *خفيفه
وقلت الحمدلله شكلها بوادر ربى وع طول حدرت المدونة
اسألكم شو سالفة الدم؟؟!!
وبعدين على الضحى ياني الألم شد عند المثانه
ويعور وايد اكثر عن البارحه
*يروح ويرد بس ما يعورني ظهري ولا مغص في بطني
الي اهي بوادر المعروفه فالولاده كلمت امايه وخبرتها
وقالت لي ع طول المستشفى بسررررررررعه
خبرت ريلي ووداني واسدحوني على على السرير وقلت ان شاء
الله يكون فاتح اكثر عن قبل وتهيأت اني راح اربي وحطولي تخطيط
لين ماتيي الدكتوره وقالت ما فتح غير ربع!!!!
احباااط كيف من البارحه لليوم ما فتح غير الربع وين راح المشي الزعتر الحبه الحمراء
واتألم من الويع قالت لي الألم جدا عادي
حرااام عليج من الألم ما اعرف اوصف قالت
لي امشي اكثر وانا خلاص من الألم ما قمت
اقدر امشي وايد وشليت بعمري قلت غصب بمشي على البحر
وانتقام شربت اناناس+ زعتر+نعناع
والألم بعده معاي ورحت البيت وانا على حالي وعلى الليل زاد وزاد
ما قدرت ارقد من يوميين على جيه وما طعت اخبر ريلي وانششه اهو يعرف انه عندي ألم
وكل حين اطالع الساعه اتريا الصبح يبان
علشان اروح المستشفى ما في مجال ابا اربي اليوم ما اقدر اتخيل الألم بيتم عندي لباجر
وقبل الفير انتبه علي ريلي وقالي تبين بنروح المستشفى وعلى طول بعد صلاه الفجر
المستشفى جيكت على الدكتوره مثل ما أنا
ما فاتح زياده حرااااام وكل هذا الألم!!؟؟
قلت لها ابا طلق صناعي ما ابا ارجع البيت قالت روحي امشي علشان يفتح اكثر
قلت لها ماااااااا اقدر قالت لي براحتج ولج الخيار جان يطالعني ريلي يقول ها تبين طلق
قلت له هييييه خلاص مب قادره اتحمل قال
توكلنا على الله شوفي امج شو تقول؟
وعلى طول اتصال لامايه واهي مستعده على
اي وقت اقول لها بربي يا الوقت*
قلت لها انا تعبانه وحكيت لها القصه كامله
قالت اوكي ألحين يايتج قلت لها الدكتوره قالت
بتعطيني اول تحميله يبالها 6 ساعات تآخذ وقت ان ما نفع
تحميله ثانيه وان ما نفع بعد طلق فالوريد
وأنا وقتها بعتها شو يسون فيني عادي
وتوكلت على الله وفوضت امري له وطول الوقت
والألم مثل نا اهو ويت اماية مع يدتي واقعدوا عندي واأمي الله يخليها لي
طول الوقت تقرأ على راسي وانا اتألم اقول لها متى برتاح وبربي وبتطلع بنتي ويصبروني ويقولون لي جريب ان شاء الله الدكتوره حطت لي التحميله
الساعه 7 وقالت لين ما يفتح وجيه تقريبا الولاده العصر 4 او 5 جان انحبط
وتنازعها يدتي وتقول لهاان شاء الله قبل لا تقولين جيه الله العالم مب انتي*
ااااااخ متى يوف الوقت وانا خلاص انهد حيلي ابا ارقد فقدت كل قوتي قلت لهم ابا مسكن للألم والنيرس تقول اتحملي الحين لانه الويع الي بيي وقت الولاده اقوى واقوى
تصبرت وانا اتألم واطالع امي و يدتي وريلي يروح ويرجع ليييين ما تيسرت اموري قريب الساعه11 بدأت علامات الولاده عندي على طول كول للدكتوره ولااااااده واستانست بس مش حاسه بلي حولي وشو يصير دايخه خلاص فقدت كل ما املك من القوه والتحمل
غمضت عيني علشان ما اشوف كل أدوات الجراحه وبدأ الجد يقولون لي بوش وانا مب عارفه كييييف اسوي الي اعرفه والله ما فيني طاااقه وبوش وبوووووووووش ومليون بوش وقبل الأخير وقفت وامايه يالله طلعت وتقول لنيرسات ساعدوهاااا
وبووووووش وأخيرا اطلعت بنوتي بالسلامه الساعه 12:30*لك الحمد يارب..
ومبروك الغاليه تتربى بعزج
ويسهل على كل حاااااامل..