بيت العمر (سمو بالرحمن) وادخلو.. صور اساس بيتي.. عروس الامارات

شخباركم خواتي؟ عساكم بخير وصحه وسلامه يا رب..
حبيت انزل لكم كم من صورة لبنى بيتي.. والي تقريبا خلصنا منه 40% والحمدلله..
عندي اكثر عن 100 صوره بس بحطلكم الصور الي صدق اتفرحني يوم اشفوههم..
سمو بالرحمن..

طبعا تعاملنا مع استشاري مواطن.. والمقاول سوري.. ونحن نبني بالشارجه..
والحمدلله امورنا كله على حسب ما خططناه.. والحمدلله على كل شي..
طبعا كل شي على حسب الBudjet الي عندنا.. ما حبينا انسوي شي واااااااااااااو والا شي فوق الطاقه والحمدلله كل شي على حسب الميزانيه الي عندنا.. واتفقنا انا وريلي ان بنركز على الحديقه والديكور الداخلي اكثر لان هالشيئين الي بيخلون البيت شكله طرررررررررررر.. (بعد الدراسه الي سويتها مع ريلي)..

ما بهذرب وايد هههههههههههههه وندخل للموضوع..

هني هيكل البيت طبعا في صور بس ما نزلتها انهم غطو الطابق الاول بالطابوق.. والباقي هو الطابق الثاني نصه وباذن الله هالشهر بيخلصون بعد دفعه من المبلغ المستحق ههههههههه (حلوه هذي)..

البيت يتكون من طابقين.. الطابق الاول فيه الصاله والميلس والبانتري وغرفتين حق اليهال مع تكرمون 3 حمامات..

هذا الملحق.. طبعا فيه غرفة الخدم وتكرمون حمامهم الخاص+ المطبخ+ المخزن..

وهني صور الحجر الاردني الطبيعي الي طلبناه من الاردن طبعا مناااااااسبه وايد وارخص عن الي يركبونه ويسوونه في الامارات.. والحمدلله طلع علينا ارخص بوايد عن طريق واحد يعرف ريلي وخاصة مواطن.. يعني ثقه.. وطبعا نحن طالبين نوعين منهم من الصور بتعرفونهم..

هني اتركب جزء منه وبعدهم ما خلصو.. طبعا هاي الصوره جديمه.. الحين الحمدلله مخلصينه ومركبينه..

وهذا الحجر الي اتخبل عليه.. يعطي لوك جديم للبيت.. ونوعيته كانها مكسوره.. لانهم اييبونه من الجبال ويكسرونهم جزء جزء..

وهذا جزء من الملحق.. شوفو لونه كيف طالع.. يعيبني وااااااايد..

ودعواتكم لي.. وادعلو ان الله يعطيني خيرها ويكفيني شرها..
واترييوني بنزل باذن الله صور عقب ما اكتمل البيت 60% قريب ان شاء الله..

ومشكورين على المتابعه..