اليوم يايبه لكم خلطتي السريه في البيتزا اللي كل من ذاقها تخبللللل عليها (بلا بيتزا هت بلا خرابيط),
طريقتها سهله وطعمها خطييييير.
بنبدا بالمقادير:
جبنة موزاريلا الخاصه بالبيتزا (مبشوره)
جبنة موزاريلا بيضا معدله بالزيت النباتي
جبنة شيدار صفرا
جبنة شيدار صفرا غامجه مايله للبرتقالي
لانشون
كاتشاب
اوريغانو (للنكهه)
(عشان أسهل عليكم هذي صورة المقادير)
_ _ _ _ _ _ _
الخطوات:
أول شي نبشر الأجبان ونخلطهم رباعه
نقطع الانشون لقطع صغيره ونضيفه للأجبان
نييب عجينة البيتزا (انا ماحطيت الطريقه لانها معروفه واللي ماتعرفها مابتتعب لين تلقاها لان الخوات
فالمدونة ماقصرن يزاهن الله خير) نفرد العجينه فصينية البايركس ونحط عليها كاتشاب
بعدها نحط الاجبان واللانشون اللي خلطناهم فوق الكاتشاب ونرش عليه شوووية اوريغانو عشان
يعطي نكهه مميزه (بس انتبهن ولا تكثرن منه لانه يجلب مررر)
هذا شكل البيتزا قبل لاندخلها الفرن
والحين ندخلها الفرن ونخليها لين تستوي
*
*
*
*
*
*
*
وهذا شكلها بعد ما طلعناها من الفرن
وبالعافيه
جربوها وبتدعوووووولي
(اللي بتنقلها اتمنى تذكر المصدر)
يعلها مداخيل العافيه 
ان شا الله بجربها
..^^..
تسلم ايديج
تسلمي خيتوووووووو
بس اخر صورة ماطلعت عندي!!!!!!!!!!!!!!!!
مشكوورة غاليتي عالطرح الروووووووعة بس اذا قدرتي تنزلين ميني بيتزا امووووووت عليها بكون شاكرة لج